Mbyten 3 femije, zhduken peshkatari dhe 17-vjecarja

Tre femije te mbytur ne kanalet me uje ne Shijak dhe Lezhe, dy nga te cilet moter e vella, nje 17 vjecare nga Kukesi qe prej kater ditesh rezulton e zhdukur dhe dyshohet se eshte vetembytur ne ujerat e Drinit, pas nje grindje ne familje dhe nje peshkatar qe prej 24- oresh rezulton i humbur ne Shkoder, kurse familjaret kerkojne ndihme per gjetjen e tij. Ky eshte bilanci tragjik i ngjarjeve qe kane perfshire vendin gjate fundjaves, shoqeruar edhe nga moti i keq dhe me shira te rrembyeshem. Mister mbetet fati i te mitures nga Kukesi dhe peshkatarit 45-vjecar nga Shkodra.
Shijak
Dhimbja ka mberthyer dje nje familje ne Shijak te Durresit, pasi banoret e fshatit Rreth, gjeten ne nje grope uji trupat e dy femijeve 4 dhe 6 vjec, moter e vella, me inicialet A. A dhe F. A. Ngjarja eshte konstatuar rreth ores 14:00 krejt rastesisht, kurse policia dyshon se aksidentalisht femijet duke luajtur kane rene ne grope, pa mundur te dalin me prej andej, pasi fatkeqesisht nuk eshte gjendur si deshmitar asnje prej banoreve, qe mund t'i ndihmonte. Policia ka mberritur menjehere ne vendngjarje dhe ka nisur punen per hetimin e shkaqeve te kesaj ngjarje tragjike. Sipas familjareve, femijet ishin larguar shume pak nga banesa per te luajtur, por fatkeqesisht kane perfunduar ne gropen e mbuluar nga shkurret, nga ku nuk kane mundur te dalin te gjalle. Mendohet se pikerisht shkurret kane qene shkak i ngjarjes, pasi femijet nuk kane pare gropen, duke rene brenda.
Lezhe
Pak momente me pas, nje tjeter lajm i dhimbshem ka ardhur nga Lezhe, ne zonen e Tales, ku kalimtare te rastesishem i raportuan policise gjetjen e trupit te nje femije ne kanalin e ujit. Gjate hetimit te policise rezultoi se trupi i perkiste 12-vjecarit Mariglen Ll. Sipas deshmise se prinderve, i ndjeri vuante nga semundja e epilepsise dhe mengjesin e djeshem kishte dale per te blere ushqime ne dyqanin prane baneses se tyre, ne fshatin Tale. Por mendohet se gjate rruges, te miturin mund ta kete zene semundja e epilepsise dhe gjate humbjes se perqendrimit ka rene ne kanalin me uje, pa mundur te ndihmohet dhe te dale prej andej.
Shkoder
Nje peshkatar 45-vjecar u deklarua i humbur nga familjaret e tij pasditen e djeshme ne komisariatin e Shkodres. Enver Zeneli sipas burimeve zyrtare te policise, rezulton i zhdukur qe prej mbremjes se shtune dhe dyshohet se eshte mbytur ne lumin Buna.
Zeneli sipas familjareve, kishte dale per peshkim ne lume, por nuk eshte kthyer me ne banese. Dyshohet se nga shirat e rrembyeshem prurjet ne lume kane qene te medha, saqe mund ta kene rrembyer trupin e peshkatarit. Forca te shumta policie dhe pese palombare kane nisur kerkimet per gjetjen e peshkatarit pergjate shtratit te Bunes dhe deri dje ne mbremje nuk ka pasur asnje shenje per gjetjen e tij.