Zhdukja e 17-vjecares, policia dyshon per flijim ne lumin Drin

KUKES- Policia e Kukesit deklaroi dje se nderpreu perkohesisht kerkimet per gjetjen e 17-vjecares nga fshati Malqene, e cila u deklarua nga familjaret si e zhdukur prej kater ditesh. Nje prej pistave qe po hetohet eshte ajo e vetevrasjes se mundshme ne depresion, pasi e mitura R. T., eshte grindur me nenen e saj para se te largohej nga banesa. Gjithsesi hetimet ende nuk kane perfunduar dhe deri ne gjetjen e trupit sipas policise nuk mund te flitet per nje piste konkrete. Aktualisht hetohet per nje vetembytje ne lumin Drin dhe per nje largim nga banesa ne drejtim te paditur nga ana e 17-vjecares. Kerkime jane kryer ne banesat e te afermve, shoqeria e vajzes dhe tek te njohurit e saj, por pa asnje rezultat prej kater ditesh. Prinderit depozituan denoncimin ne mesjave, duke kerkuar edhe ndihmen e policise vendore. Policia ka nisur hetimet me marrjen ne pyetje te banoreve te zones, disa nga te cilet kane pohuar se kane pare 17-vjecaren mbi uren e lumit Drin. Ky fakt ka bere qe grupi hetimor te ngreje edhe pisten e nje vetembytjeje te mundshme te te mitures. Gjate kontrollit ne uren e deklaruar prej banoreve, agjentet gjeten nje pale kepuce qe i perkisnin vajzes dhe xhupin e saj. Keto prova kane perforcuar me tej bindjen e eksperteve se vajza mund te ishte hedhur me qellim flijimin. Per momentin kerkimet jane nderprere sipas policise vendore, pasi rrymat e Drinit jane te fuqishme ne prurje per shkak te reshjeve te shiut dhe bores se shkrire.