Mbyten nusen lihen ne burg nene e bir

ELBASAN - Burg pa afat ka qene masa e arrestit per 67-vjecaren Tixhe Belba dhe djalin e saj Alfred Belba 32 vjec me banim ne Skroske te komunes Qukes ne rrethin e Librazhdit.

Gjyqtari Zihni Shahu pasi ka degjuar pretendimet e prokurores Erida Lamcja dhe te avokatit mbrojtes ka vendosur masen burg pa afat per dy te akuzuarit per vrasjen e shtetases Zemrije Belba 31 vjece. Ata do te pergjigjen per vrasje me dashje ne bashkepunim dhe fshehje te se vertetes.

Dy te arrestuarit jane paraqitur para trupit gjykues ku nuk kane shprehur asnje fjale per ngjarjen e ndodhur me 30 dhjetor kur u gjet pa jete gruaja 31-vjecare. Fillimisht ngjarja u percaktua si natyrale pasi gruaja u gjet pa jete ne krevat por pas ekspertizes mjeko-ligjore u konfirmua se ajo ishte mbytur dhe u vune ne pranga vjehrra e saj Tixhe Belba dhe bashkeshorti Alfred Belba.

Deri tani agjentet e policise nga hetimet dhe marrja ne pyetje nuk kane percaktuar se kush ka qene vrasesi dhe bashkepunetori por shkaku mendohet te kete qene xhelozia e burrit i cili punonte ne Greqi dhe ishte kthyer per festa.

Fillimisht familjaret e gruas lajmeruan se kishin gjetur te vdekur ne krevat gruan 31-vjecare dhe policia e deklaroi vdekjen natyrale. Edhe nga veprimet e para nga ana e nje grupi hetimor te policise gruaja nuk kishte shenja dhune duke e percaktuar natyrale por per shkak te dyshimeve u vendos berja e ekspertizes qe nxori edhe te verteten.

Drejtoria e Policise konfirmoi zyrtarisht diten e fundit te vitit se ne oret e para te mengjesit nga ana e strukturave te krimeve te renda ne Drejtorine e Policise se Qarkut Elbasan pas nje sere veprimesh hetimore u arrestuan per vrasjen e shtetases Zemrije Belba 31 vjece me banim ne Skroske shtetasit Tixhe dhe Alfred Belba nene e bir.

Arrestimi i tyre u be pasi nga ana e hetimeve rezultoi se shtetasit e arrestuar ne bashkepunim me njeri-tjetrin per motive te dobeta kane vrare me mjete rrethanore 31-vjecaren. Ndaj tyre u ngrit akuza vrasje me dashje ne bashkepunim.