Meç vendimtar
Luan Krasniqit nuk i kishte ndodhur kurrë në karrierë të pushojë aq gjatë. Boksieri kosovar me nënshtetësi gjermane ka bërë pauzë mjaft të gjatë: ai nuk ka boksuar që nga 15 nëntori i vitit 2008, kur ishte mposhtur nga Alexander Dimitrenko.
Pritej që ai t’i rikthehej ringut pikërisht një vit më vonë, më 28 nëntor 2009, në ditën e Festës së Flamurit, por ai u desh të hiqte dorë në momentet e fundit nga ri-meçi me Alexander Dimitrenkon për shkak të një lëndimi që kishte pësuar gjatë përgatitjeve.
Tashmë janë bërë gati një vit e gjysmë që boksieri junikas nuk i ka kryqëzuar dorëzat e boksit. “Nuk ka qenë kurrë veçori e imja pritja, por duhet të jem i durueshëm. Jam mësuar tashmë”, ka thënë Krasniqi të shtunën për gazetën gjermane “Stuttgarter Nachrichten”.
Sidoqoftë, 38 vjeçari është duke u përgatitur për sfidën e radhës, pikërisht kundër ukrainasit Dimitrenko ndaj të cilit kishte humbur herën e kaluar. Krasniqi mezi pret t’i rikthehet ringut, derisa paralajmëron pensionimin, nëse pëson disfatë sërish.
“Jam duke u përgatitur për një meç të rëndësishëm dhe vendimtar. Dëshiroj një meç që ka kuptim sportiv, me dëshirën më të madhe që ta jap më të mirën kundër Dimitrenkos. Nëse nuk e fitoj këtë meç, çdo gjë merr fund”, tha boksieri kosovar.
Problemi i Krasniqit është se pas dy humbjesh që pati në dy meçet e fundit dhe pasi mungoi për shumë kohë në botën e boksit, ai më nuk është në gjendje t’i zgjedhë kundërshtarët, mbi të gjitha për faktin se nuk është më në renditjen e boksierëve më të mirë në botë.
Pas humbjes së fundit më 15 nëntor të vitit 2008 ndaj Alexander Dimitrenkos, Krasniqi po mendonte ta përfundonte karrierën, por bashkë me familjen e tij mori vendimin që ta provojë edhe një herë veten. Ai dëshiron t’i hakmerret ukrainasit 27 vjeç.
Pritej që ai t’i rikthehej ringut pikërisht një vit më vonë, më 28 nëntor 2009, në ditën e Festës së Flamurit, por ai u desh të hiqte dorë në momentet e fundit nga ri-meçi me Alexander Dimitrenkon për shkak të një lëndimi që kishte pësuar gjatë përgatitjeve.
Tashmë janë bërë gati një vit e gjysmë që boksieri junikas nuk i ka kryqëzuar dorëzat e boksit. “Nuk ka qenë kurrë veçori e imja pritja, por duhet të jem i durueshëm. Jam mësuar tashmë”, ka thënë Krasniqi të shtunën për gazetën gjermane “Stuttgarter Nachrichten”.
Sidoqoftë, 38 vjeçari është duke u përgatitur për sfidën e radhës, pikërisht kundër ukrainasit Dimitrenko ndaj të cilit kishte humbur herën e kaluar. Krasniqi mezi pret t’i rikthehet ringut, derisa paralajmëron pensionimin, nëse pëson disfatë sërish.
“Jam duke u përgatitur për një meç të rëndësishëm dhe vendimtar. Dëshiroj një meç që ka kuptim sportiv, me dëshirën më të madhe që ta jap më të mirën kundër Dimitrenkos. Nëse nuk e fitoj këtë meç, çdo gjë merr fund”, tha boksieri kosovar.
Problemi i Krasniqit është se pas dy humbjesh që pati në dy meçet e fundit dhe pasi mungoi për shumë kohë në botën e boksit, ai më nuk është në gjendje t’i zgjedhë kundërshtarët, mbi të gjitha për faktin se nuk është më në renditjen e boksierëve më të mirë në botë.
Pas humbjes së fundit më 15 nëntor të vitit 2008 ndaj Alexander Dimitrenkos, Krasniqi po mendonte ta përfundonte karrierën, por bashkë me familjen e tij mori vendimin që ta provojë edhe një herë veten. Ai dëshiron t’i hakmerret ukrainasit 27 vjeç.