Mediu: Basha, përkushtim të plotë ndaj qytetarëve, Rama mandat të pjesshëm

PR mbështet kandidaturën e Lulzim Bashës për kryetar të bashkisë së Tiranës

Partia Republikane mbështet Lulzim Bashën për kryebashkiak të Tiranës, si njeri të suksesit dhe të mbajtjes se fjalës se dhënë. Kreu i republikaneve Fatmir Mediu solli në vëmendje, se si zoti Basha ka qenë pjesë e sukseseve më të mëdha të qeverisjes së demokrateve, që me ndërtimin e Rrugës së Kombit, anëtarësimin në NATO, arritjen e pavarësisë së Kosovës, dhe liberalizimin e vizave. “Ndryshe nga Edi Rama, që u ofron qytetarëve një mandat të pjesshëm, Basha është plotësisht i përkushtuar për te ndryshuar kryeqytetin, përmes alternativave dhe jo akuzave politike”, theksoi Mediu.