Mediu: Kuvendi rezolutë për çështjet mjedisore

I pranishëm në tryezën "Mekanizmat e Pjesëmarrjes Publike në draft-ligjin kuadër: Për Mbrojtjen e Mjedisit", Mediu tha se "ka ardhur koha për të treguar një shprehje vullneti politik të qartë që nuk mund të ngelet vetëm në strategjinë ndërsektoriale.

Por sipas tij, kjo kërkon vullnet politik të qartë të institucionit kryesor të vendit, që është Kuvendi, për të diskutuar me preokupimin e përbashkët, edhe me mendimin e gjykimin e shoqërisë civile, për të parë që çdo politikë nuk mund të tejkalojë interesin e përbashkët; ruajtjen dhe forcimi i mjedisit".

Ai shtoi se "ne duhet të krijojmë një aleancë dhe nuk duhet të kemi diferenca sa i përket çështjeve mjedisore. çështjet dhe rrisqet mjedisore i tejkalojnë ndarjet politike, debatet e përditshme, ato janë çështje të shqetësimit tonë të përbashkët".