Medvedev: Putin, presidenti i radhës. Putin pranon ofertën

Vlladimir Putin ka pranuar propozimin e partisë së tij për t’u kandiduar për postin e presidentit të ardhshëm të Rusisë.

Duke folur para kongresit të partisë, Putin falënderoi delegatët për reagimin pozitiv dhe e quajti propozimin e Medvedevit një nder të madh.

Presidenti aktual, Dimitri Medvedev, tha gjatë takimit të anëtarëve të partisë Rusia e Bashkuar se do të ishte korrekte që kongresi të mbështes kandidimin e kreut të partisë, Vlladimir Putin, për postin e presidentit të shtetit në zgjedhjet presidenciale që pritet të mbahen në muajin mars.

Medvedev: Putin te jete presidenti i radhes

Presidenti rus, Dimitri Medvedev, tha se presidenti i ardhshëm i Rusisë duhej të ishte Vlladimir Putin.

Këto komente ai i bëri në kohën kur partia në pushtet, Rusia e Bashkuar, po mban kongresin vjetor në Moskë.

Mendoj se do të ishte korrekte që kongresi të mbështes kandidimin e liderit të partisë, Vlladimir Putin, për postin e presidentit të shtetit, tha Medvedev.

Ditë më parë, kreu i ekzeutivit rus Putin tha se Medvedev do të ishte në krye të listës elektorale të partisë në zgjedhjet e ardhshme parlamentare që pritet të mbahen më 4 dhjetor.

Putin i tha gjithashtu kongresit se është pajtuar me Medvedevin për rolet e ardhshme të tyre në politikë.

Që të dytë- 58 vjeçari Putin dhe 46 vjeçari Medvedev, patën paralëjmëruar më parë se mund të garojnë për postin e presidentit në zgjedhjet presidenciale të marsit. Mirëpo, më pak se gjashtë muaj para mbajtjes së presidencialeve, asnjëri nga ata nuk ka paraqitur zyrtarisht kandidaturën për këtë post.