Meksi-PS: Urgjent rishikim buxhetit te vitit 2010

Partia Socialiste vleresoi dje se krahas vemendjes per zgjidhjen e krizes politike nuk duhet shmangur vemendja nga ekonomia e cila prej kohesh po shfaq shenjat e krizes, me gjithe mohimin e paraqitjen e situates roze me kokefortesi nga mazhoranca. Ne nje deklarate per mediat, deputetja e kesaj force politike, Ermelinda Meksi, tha se ndersa jemi ne shkurt 2010, keto dite po kalon ne Kuvend nje akt normativ per buxhetin e vitit 2009, i cili per te treten here brenda nje viti ndryshon te ardhurat buxhetore ne drejtim te uljes. “Me kete akt, mazhoranca pranon zyrtarisht mosrealizimin e te ardhurave te buxhetit te shtetit, duke zyrtarizuar sa opozita kish parathene me kohe”, vleresoi Meksi. Ajo apeloi “per nevojen urgjente te rishikimit te buxhetit te 2010 ne menyre qe vendi mos shkase ne katastrofen e pakthyeshme te borxheve qe vijne nga shpenzimet e paperballueshme, ne kushtet kur vendi po ballafaqohet me kete nivel te ardhurash qe po ulet vazhdimisht”.