PS: Hetimi, kerkese e PS dhe nderkombetareve

Selia roze konsideroi dje se refuzimi i mazhorances per rekomandimet e Keshillit Evropian, po degradon krizen. Ne nje prononcim per mediat, deputeti socialist, Taulant Balla, solli ne vemendje se rezoluta 1709 e Asamblese Parlamentare te Keshillit te Evropes per “Funksionimin e institucioneve demokratike ne Shqiperi” certifikoi nderkombetarisht detyrimin e hetimit parlamentar te zgjedhjeve te 28 qershorit si e vetmja zgjidhje per krizen e thelle politike ne Shqiperi. “Zbardhja e te vertetes se 28 qershorit permes hetimit te plote parlamentar, nuk eshte me thjesht dhe vetem kerkesa e Partise Socialiste, popullit opozitar apo dhe e disa partnereve nderkombetare”, deklaroi Balla. Kjo kerkese, sipas tij, e shprehur ne rezoluten e Keshillit te Evropes, eshte tashme nje detyrim qe buron nga statusi i Shqiperise si vend anetar i KiE, detyrim me te cilin Sali Berisha nuk mund as ta luaje, as ta anashkaloje. Ai theksoi se miratimi i rezolutes ne Keshillin e Evropes, nxori ne pah dy elemente te rendesishem, te cilet Sali Berisha, me kokefortesi, per muaj me radhe, refuzonte t’i pranonte. “Se pari, Shqiperia gjendet ne krize politike, e cila duhet zgjidhur sa me pare. Se dyti, zgjidhja e krizes vjen permes hetimit te plote te zgjedhjeve te 28 qershorit”, deklaroi zyrtari i lart i selise roze.