Memorandum mirëkuptimi për gazsjellsat TAP dhe IAP

TIRANE - Këshilli i Ministrave miratoi sot në parim, memorandumin e mirëkuptimit ndërmjet Republikës së Shqipërisë, Kroacisë dhe Malit të Zi, lidhur me mbështetjen dhe bashkëpunimin e tyre për realizimin e projektit të Gazsjellësit Trans Adriatik (TAP) dhe projektit të Gazsjellësit Adriatik Jonian (IAP). 

Ky memorandum mbështetet në nenin 100 të Kushtetutës dhe të neneve 5 e 6, të ligjit nr.8371, datë 9.7.1998, "Për lidhjen e traktateve dhe marrëveshjeve ndërkombëtare" dhe u propozua nga ministri i Punëve të Jashtme.
(a.k/ata/BalkanWeb)