Merkel-Sarkozi:1 mars, nënshkrimi marrëveshjes buxhetore

Marrëveshja për traktatin e ri të BE-së, duhet të nënshkruhet brenda 1 marsit të këtij viti dhe trataktivat duhet të përfundojne brenda ditëve të ardhshme. Ky ka qënë objektivi i Francës dhe Gjermanisë, i deklaruar sot nga presidenti francez Nikola Sarkozi dhe kancelarja gjermane Angela Merkel, gjatë një konference për shtyp.

Sarkozi gjatë fjalës së tij tha se negociatat për marrëveshjen e re duhet të përshpejtohen gjatë ditëve të ardhshme dhe të nënshkruhen më 1 mars. Të dy liderët vunë në dukje se janë të përgatitur për ti shpejtuar pagesat për fondin e përhershëm të shpëtimit të Eurozonës 17 anëtarëshe, i njohur si Mekanizmi Evropian i Stabilitetit.

Gjatë takimit është trajtuar dhe çështja e krizës së borxheve që ka pushtuar Greqinë. Merkel apeloi që Greqia duhet të realizojë patjetër premtimet e dhëna, para se të merrte këstet e ndihmës.

Folëm sot për konsolidimin financiar dhe fiskal dhe për të siguruar rritjen ekonomike, për të luftuar papunësinë.Ne duam të diskutojmë në KiE çështjen e transaksioneve financiare dhe mënyrën se si mund të rrisim konkurrencën e industrive tona në zonën e euros. Po përballemi me sfidat e globalizimit, theksoi Merkel.

Presidenti francez Nikola Sarkozi deklaroi se prioritet i sotëm për BE-në është rritja ekonomike dhe punësimi.