Mesi do Maradonën tek Argjentina

“Do të isha i lumtur nëse Diego do të vendoste të qëndronte në krye të përfaqësueses Argjentinase. Sigurisht që nuk do të doja ta shihja larg kombëtares”, deklaroi Mesi pasi mbërriti në Pekin.

Emri i trajnerit të ri të Argjentinës nuk pritet të mësohet para muajit tetor. Ndërsa lidhur me gjasat e Argjentinës për të fituar në kupën e Botës 2014, Mesi deklaroi se është shumë herët për parashikime të tilla, porse shpreson që gjërat të ecin mbarë.