Messi dhe penalltitë eleminojnë Milanin
Duhej një mrekulli për të kualifikuar Milanin por ajo nuk erdhi. Kuqezinjtë rikthehen nga Kamp Nou me rezultatin 3-1 dhe i japin lamtumirën Ligës së Kampionëve. Ishte Lionel Messi ai që zhbllokoi i pari takimin duke shënuar një penallti në minutën e 11.
20 minuta me vonë Milani e sheh veten të kualifikuar pasi Nocerino shënoi golin e barazimit. Goli i dytë shënohet sërish nga djaloshi i artë por penalltia këtë herë u kontestua shumë dhe ishte e dyshimtë.
Milani provoi të bënte diçka por ishte e pamundur përballë një skuadre të tillë si Barcelona. Ishte Andres Iniesta ai që mbylli llogaritë e takimit dhe kualifikoi spanjollët në gjysëmfinale. Kundërshtari i tyre do të mësohet sot në ndeshjen Çelsi- Benfika.
Bajerni i Mynihut preu zyrtarisht biletën për në gjysëmfinale edhe pse e kishte arritur atë që në ndeshjen e parë. Bavarezët nuk e vunë asnjëherë në dyshim kualifikimin. Iviza Oliç ishte heroi i mbrëmjes që shënoi dy herë në portën e Marsejës. Gjysëfinalja tjetër me shumë mundësi do të jetë mes gjermanëve dhe Realit i cili pret sot modestët e APOEL-it.
Gentjan Alinani/IDEA
Shkrime të tjera me interes:
- Lajme të mira për Milanin, rikuperohet Ibra dhe Sedorf Në prag të sfidës me Juventusin dhe Barcelonën, kanë mbërritur...
- Kualifikohen Barça dhe Apoeli, Messi dhe qipriotët hyjnë në histori Dje në mbrëmje janë mësuar dy çerekfinalistët e dytë të...
- Champions League, kualifikohen Milan dhe Benfika U mësuan dje dy çerekfinalistët e parë të Ligës së...