Meta: Kandidati yne, mundesi qe i jepet PS, jo dobesi Qamil Xhani
Kryetari i Levizjes Socialiste per Integrim, Ilir Meta ka bere apel dje per zgjedhjen e nje presidenti qe ka vlera te konsoliduara ne funksionimin e shtetit. Meta i eshte referuar kandidatures se paraqitur nga ana e mazhorances kur tha se kandidatura e Zaganjorit eshte nje figure e konsoliduar dhe raundi i dyte duhet te jete i suksesshem. "Ne kete drejtim une besoj se kemi gjithe kohen e duhur qe raundi i dyte te jete nje raund i suksesshem. Mazhoranca ka paraqitur nje kandidat i cili ka vlera teper solide dhe bindese", u shpreh Meta. Kreu i LSI-se ka theksuar se afrimin e nje kandidature te tille nga mazhoranca, opozita duhet ta shohe si nje mundesi. "Une shpresoj qe opozita kete mundesi te mos e keqperdore dhe te mos e shohe si nje dobesi te mazhorances, por si nje vullnet te saj per te perfshire edhe opoziten per nje zgjidhje konsensuale", u shpreh Meta.
Ne takimin e zhvilluar me Levizjen e Gruas per Integrim, z.Meta u shpreh se nje takim me dy krereve te partive kryesore do te sherbente per pershpejtimin e procesit te zgjidhjes se kreut te shtetit. "Kam apeluar per nje takim midis kryeministrit Berisha dhe kryetarit te Partise Socialiste zotit Rama ne menyre qe paragjykimet qe burojne nga distanca te shkrihen dhe te ecet", u shpreh Meta. Sipas tij, ky takim do te mundesonte dhe zgjedhjen e nje presidenti qe do te permbushte dhe avanconte dhe ne reformat qe kerkon Partia Socialiste dhe gjithe klasa politike dhe qe lidhen me integrimin e vendit. Meta u shpreh se ne kete menyre do te realizohej ajo "qe kerkojne te gjithe shqiptaret dhe te gjithe partneret tane nderkombetare, nje zgjedhje dinjitoze te presidentit te ri si dhe njekohesisht nje permbyllje e atyre reformave qe me te drejte i ka nenvizuar edhe Partia Socialiste kohet e fundit, sikurse eshte reforma zgjedhore, ajo parlamentare dhe ceshtja e imunitetit, pasi edhe keto jane hapa te rendesishem qe pershpejtojne marrjen e statusit te vendit kandidat".
Nga ana tjeter, kreu i LSI-se "nje takim midis kryeministrit Berisha dhe kryetarit te Partise Socialiste do te ndihmonte pershpejtimin e ketij procesi". Meta ka theksuar se kampet politike duhet te shpejtojne ne permbylljen e reformave. "Nuk kemi pse te humbasim dite edhe jave, do te thosha ne nje situate pritjeje, sepse cdo minute dhe cdo dite eshte e cmuar per te ecur para pasi vendi ka shume probleme dhe shume reforma te tjera qe duhen bere. Ndaj, cdo dite, cdo ore dhe cdo minute duhet fituar dhe nuk duhet shperdoruar. Pra, duhet te ecim me shpejt", u shpreh z.Meta.
Kreu i LSI-se u shpreh se partite kryesore duhet te clirohen nga paragjykimet. Po dje ne nje interviste per Top Channel, kreu i LSI-se u shpreh se kandidatura e Zaganjorit eshte nje figure e konsoliduar dhe raundi i dyte duhet te jete i suksesshem. Ai tha se duhen vleresuar figurat qe paraqesin vlera dhe nuk duhet te refuzohen vetem sepse paraqiten nga nje kamp politik. "Eshte shume e rendesishme qe te hiqet psikologjia e refuzimit apo e bllokimit thjesht per hir te propozimit qe vjen nga nje krah politik. Duhet te ecim drejt nje figure e cila paraqet vlera teper te konsoliduara dhe qe do t'i sherbente funksionimit me efikas te institucionit te presidentit sidomos ne fushen e reformave te drejtesise", tha Meta.