Meta: Ne Evrope s'shkohet me mllefe
Ne Evrope nuk shkohet me mllefe personale. Ky ka qene mesazhi i kryetarit te Levizjes Socialiste per Integrim Ilir Meta per politiken shqiptare, e cila duhet te kete nje etike te re politike. Njeheresh, me statusin dhe te shefit te diplomacise shqiptare dhe te numrit dy te qeverie, ka ftuar opoziten dhe ne vecanti socialistet qe te kryejne rolin e tyre ne realizimin e detyrave per anetaresimin e Shqiperise ne Bashkimin Evropian dhe liberalizimin e vizave me vendet e shengenit. Meta, se bashku me nenkryetarin e Kuvendit dhe deputetin e LSI-se ne qarkun e Beratit, Nasip Naco, zhvilluan dje nje sere takimesh me strukturat e LSI-se ne Berat, Polican, Skrapar. Gjate zhvillimit te ketyre takimeve anetaret dhe simpatizantet e LSI-se kane vleresuar pjesemarrjen dhe angazhimin e LSI-se ne Qeverine e Integrimit. Ne fjalen e tij, Meta, eshte ndalur gjeresisht ne procesin e integrimit te Shqiperise dhe reformat integruese qe perbejne angazhimin kryesor te kesaj qeverie. Numri dy i qeverise shqiptare, njeheresh dhe shef i diplomacise, u shpreh se koalicioni midis Partise Demokratike dhe Levizjes Socialiste per Integrim eshte garancia e qytetareve per realizimin e ketyre reforma. Me tej, Meta ka garantuar anetaret dhe simpatizantet e LSI-se se kjo force politike do te qendroj larg tensioneve false. Veprimi politik i LSI-se, deklaroi Meta, do te kete si orientim vetem integrimin e Shqiperise dhe shqiptareve. Kreu i Levizjes Socialiste per Integrim duke u ndalur ne problematikat e Berati garantoi se qeveria do te kete ne prioritet zhvillimin e ketij qyteti. Duke konsideruar vitin 2010 si vitin me te rendesishem per sa i perket konkretizimit te reformave dhe proceseve integruese te vendit, Meta, ftoi opoziten qe te kryej rolin e saj, jo vetem ne permbushjen e standardeve te BE-se, por edhe ne realizimin e aspiratave te qytetareve shqiptare dhe vet votuesve te saj. "Dorezimi i Pyetesorit nga Komisioni Evropian perben nje moment historik per vendin, moment qe kerkon kontributin dhe energjite e gjithe aktoreve te politikes, si dhe perfshirjen e faktoreve te tjere, te shoqerise civile, eksperteve e me gjere", deklaroi Meta. Ne perfundim te ketyre takimeve, duke bere thirrje per nje etik te re politike ne vend, Meta u shpreh se "ne Evrope nuk shkohet me mllefe personale". Nje deklarate kjo me teper ne drejtim te kryesocialistit Rama, i cili, perkunder ftesave te njepasnjeshme per dialog te Metes por me pare dhe te Berishes, ka preferuar te vijoje nismen e tij per transparencen e zgjedhjeve te 28 qershorit, ku nepermjet protestave ne te gjithe vendin, kerkon hapjen e kutive te votimit per zbardhjen e rezultatit, ose largimin e qeverise Berisha. Dhe kreu i Levizjes Socialiste per Integrim, Ilir Meta ka gjetur pikerisht ish-zonen e tij elektorale, per te dhene kete mesazh, i shoqeruar dhe nga numri dy i Parlamentit shqiptar, Nasip Naco. S.P