Meta: Pas vendimit të pafajësisë, ndihem i mbushur me energji të reja

Ilir Meta duket entuziast pas vendimit të disa javëve më parë nga ana e Gjykatës së Lartë, e cila vendosi që ta shpallë atë të pafajshëm dhe tashmë nuk e fsheh këtë entuziazëm. Gjatë një takimi që ka mbajtur gjatë ditës së sotme në Berat, Meta është shprehur se vendimi për pafajësinë e ka mbushur atë me energji të reja. Këto energji, Meta ka thënë se do ti përdorë për zgjedhjet e ardhshme parlamentare më 2013.

Meta ka folur edhe për reformën zgjedhore, duke thënë se PD dhe PS duhet të kishin dëgjuar apelin e LSI-së. Sipas tij, nëse sot do të ishte kryer reforma zgjedhore, Shqipëria do të kishte marrë statusin kandidat për në Bashkimin Europian.