Meta: Perjashtimi i Islamit, nje precedent negativ Rozeta Rapushi

Kryetari i Partise Levizja Socialiste per Integrim, Ilir Meta, tha dje se LSI eshte nje parti e hapur per cdo individ qe perputhet me programin e saj, edhe per ish-socialistin Kastriot Islami. Duke e vleresuar Islamin si nje njeri me profil te larte politik, kreu i LSI-se kritikoi politiken e ndjekur nga kreu socialist Edi Rama, per perjashtimin e tij, si nje veprim qe e ktheu shume vite pas kete parti. "LSI bazohet ne vullnetin dhe deshirat e cdo individi dhe eshte force e hapur politike, per gjithkend qe eshte ne harmoni me programin, statusin dhe qendrimet parimore te saj", tha Meta, i pyetur nese partia qe ai drejton eshte e gatshme te afroje deputetin Islami ne grupin e saj parlamentar. Meta denoi ashper vendimin per perjashtimin e Islamit, duke e cilesuar si nje precedent negativ dhe te papranueshem per standardet demokratike ne vend dhe nje kthim pas per seline roze. "Eshte nje akt i papranueshem per standardet demokratike shqiptare dhe nje fenomen i panjohur per Partine Socialiste ne te kaluaren. Islami ka kontribuar ne PS, qe nga themelimi i saj", tha dje Meta, pas takimit te zhvilluar me forumin e gruas dhe strukturat e LSI-se ne Elbasan, me rastin e festave te fundvitit. Nga ana tjeter, kreu i LSI-se theksoi se partia, qe ai drejton, nuk behet pjese e spekulimeve per zgjedhjet e presidentit. "Partia qe une drejtoj, LSI, eshte pjese e zgjidhjes. Ne do te diskutojne per zgjedhjen e Presidentit te Republikes. LSI do te diskutoje per te ne kohen e duhur dhe une, personalisht, nuk do te jem pjese e spekulimeve politike. LSI po punon per zgjidhjen e kesaj dileme", theksoi Meta. Gjate takimit ne Elbasan, Meta u ndal edhe ne bilancin e LSI-se per kete vit, duke e vleresuar kete vit si shume te suksesshem dhe me arritje spektakolare dhe me mbi 40 mije vota me shume, arritje qe premtojne per zgjedhjet e ardhshme. Nderkohe qe vleresoi si zhvillime pozitive per vendin, zgjedhjen e kryetarit te Kontrollit te Larte te Shtetit apo, dhe zgjedhja e Avokatit te Popullit, ne respekt te Kushtetutes.