Meta Shteti dhe ligji fituan mbi krimin e organizuar

Mbështetësit e Lëvizjes Socialiste për Integrim kanë shpërthyer në ovacione menjëherë sapo mësuan vendimin e Gjykatës së Lartë, e cila i jepte pafajësinë kryetarit kësaj partie Ilir Meta. Në deklaratën për mediat, zoti Meta vlerësoi se vendimi i Gjykatës konfirmoi se e vërteta fiton mbi mashtrimin dhe falsifikimin. “Shteti dhe ligji fituan mbi krimin e organizuar, vlerat morale fituan mbi poshtërsitë” – theksoi kreu i LSI-së
Kryetari i Lëvizjes Socialiste për Integrim, tha se viti 2011 ishte tepër i vështirë për të dhe familjen e tij, pasi ishin nën presione të jashtëzakonshme nga krimi i organizuar. “Krimi i organizuar kërkoi të merrte peng Metën dhe Institucionet”- u shpreh Meta
Ilir Meta tha se që në fillim të procesit këmbënguli që t’i shkohej deri në fund, sipas tij, zbardhjes së skemës së mashtrimit.