"Microsoft", në bisedime për blerjen e "Yahoo"

Kompania "Microsoft Inc" është në tratativa me "Yahoo Inc" për blerjen e biznesit të kërkimit në internet të kësaj të fundit. Sipas asaj që bën të ditur britanikja "Sunday Times", motori i kërkimit të "Yahoo"-së do të blihet për 20 miliardë dollarë. Propozimi në diskutim e sipër përfshin një transaksion tepër kompleks, i cili do të shpjerë në ndërrimin e skuadrës së menaxhimit të "Yahoo"-së, por duke lënë të paprekur aktivitetin e kompanisë.