Milani si "kantier ndërtimi", ja strategjitë e merkatos
Drejtuesit e Milanit kanë filluar punën për të rindërtuar skuadrën e sezonit të ardhshëm. Presidenti Berluskoni i ka lënë dorë të lirë Adriano Galianit, por duke saktësuar se nuk duhet bërë një revolucion i plotë, por vetëm korrigjime në të gjitha repartet, duke ruajtur kontingjentin ekzistues.
Portieri - Problemet kanë lindur gjatë pauzës së ndërrimit të viteve, kur Ançeloti vendosi për zëvendësimin e Didës me Kalac. Tani po kërkohet një portier tjetër, ndërsa po ndiqen me vëmendje Gomez i PSV Eindhoven, Boruc i Sëlltik, Loris i Nicës dhe Diego Alvesh i Almerias. Në Itali, i vetmi emër bindës është Frei i Fiorentinës, por më parë duhet sistemuar Dida, që ka një rrogë shumë të lartë për të qëndruar në stol.
Mbrojtës - Kuqezinjtë kanë mbyllur prej kohësh bisedimet me Zambrotën, i cili është dakord për transferimin, por tani duhen bindur drejtuesit e Barcelonës. Marzorati do të kthehet nga huazimi tek Empoli, ndërsa në grupin kryesor do të përfshihet edhe i riu Darmian. Objektivi kryesor mbetet Mekses i Romës, ndonëse verdhekuqtë nuk heqin dorë lehtë nga francezi. Favali, Serxhinjo dhe Kafu pritet të mos kenë një rinovim të kontratave të tyre.
Mesfushorë - Tre lojtarë janë të paprekshëm: Gatuzo, Pirlo dhe Ambrozini. Duke parë aktivizimin e tyre të vazhdueshëm, po mendohet për alternativa po aq të vlefshme në këtë repart dhe emri më i përfolur është ai i Flamini të Arsenalit. Mbetet për t‘u përcaktuar e ardhmja e Gurkuf, i cili nuk ka bindur asnjëherë gjatë këtyre dy sezoneve. Nëse francezi do të shitet përfundimisht, atëherë kuqezinjtë do të vendosin për një tjetër investim të rëndësishëm në mesfushë.
Sulmues - Pato, Kaka, Inzagi dhe Paloski janë të konfirmuar. Pritet të mësohet se çfarë do të ndodhë me Ronaldon, i cili është në fundin e kontratës së tij. Çështje më vete është edhe ajo e Xhilardinos, i cili nuk gjen më hapësira në formacion dhe i intereson Fiorentinës e Romës, të vetmet që janë në gjendje të paguajnë rrogën e tij të lartë. Duket e sigurt mbërritja e Shevçenkos, edhe pse ukrainasi do të ketë një rol dytësor në sezonin e ardhshëm. Pritet edhe Ronaldinjo, që do të krijonte më shumë alternativa në skemën e lojës së kuqezinjve. Berluskoni ka paralajmëruar për një tjetër sulmues qendre, ku përveç emrit të Drogba, gjatë ditëve të fundit ka lindur edhe ideja Van Nistelroi.
Portieri - Problemet kanë lindur gjatë pauzës së ndërrimit të viteve, kur Ançeloti vendosi për zëvendësimin e Didës me Kalac. Tani po kërkohet një portier tjetër, ndërsa po ndiqen me vëmendje Gomez i PSV Eindhoven, Boruc i Sëlltik, Loris i Nicës dhe Diego Alvesh i Almerias. Në Itali, i vetmi emër bindës është Frei i Fiorentinës, por më parë duhet sistemuar Dida, që ka një rrogë shumë të lartë për të qëndruar në stol.
Mbrojtës - Kuqezinjtë kanë mbyllur prej kohësh bisedimet me Zambrotën, i cili është dakord për transferimin, por tani duhen bindur drejtuesit e Barcelonës. Marzorati do të kthehet nga huazimi tek Empoli, ndërsa në grupin kryesor do të përfshihet edhe i riu Darmian. Objektivi kryesor mbetet Mekses i Romës, ndonëse verdhekuqtë nuk heqin dorë lehtë nga francezi. Favali, Serxhinjo dhe Kafu pritet të mos kenë një rinovim të kontratave të tyre.
Mesfushorë - Tre lojtarë janë të paprekshëm: Gatuzo, Pirlo dhe Ambrozini. Duke parë aktivizimin e tyre të vazhdueshëm, po mendohet për alternativa po aq të vlefshme në këtë repart dhe emri më i përfolur është ai i Flamini të Arsenalit. Mbetet për t‘u përcaktuar e ardhmja e Gurkuf, i cili nuk ka bindur asnjëherë gjatë këtyre dy sezoneve. Nëse francezi do të shitet përfundimisht, atëherë kuqezinjtë do të vendosin për një tjetër investim të rëndësishëm në mesfushë.
Sulmues - Pato, Kaka, Inzagi dhe Paloski janë të konfirmuar. Pritet të mësohet se çfarë do të ndodhë me Ronaldon, i cili është në fundin e kontratës së tij. Çështje më vete është edhe ajo e Xhilardinos, i cili nuk gjen më hapësira në formacion dhe i intereson Fiorentinës e Romës, të vetmet që janë në gjendje të paguajnë rrogën e tij të lartë. Duket e sigurt mbërritja e Shevçenkos, edhe pse ukrainasi do të ketë një rol dytësor në sezonin e ardhshëm. Pritet edhe Ronaldinjo, që do të krijonte më shumë alternativa në skemën e lojës së kuqezinjve. Berluskoni ka paralajmëruar për një tjetër sulmues qendre, ku përveç emrit të Drogba, gjatë ditëve të fundit ka lindur edhe ideja Van Nistelroi.