Militantët shkatërrojnë mjetet perëndimore

Militantë pakistanezë sulmuan dje një kolonë të parkuar makinash të forcave ushtarake perëndimore, të vendosura në Pakistan, duke shkatërruar 96 kamionë. Sipas njerëzve që ruanin mjetet në afërsi të Peshavarit, sulmi u krye nga rreth 200 militantë, ndërkohë që një prej rojeve private mbeti i vrarë gjatë këmbimit të zjarrit. Pjesa më e madhe e karburantit dhe furnizimet e tjera për trupat amerikane dhe ato të NATO-s në Afganistan kalohen përmes territorit pakistanez.