Vdes ish-princesha, pas 28 vjetësh në koma
Pas rreth 28 vjetësh në koma të pakthyeshme, trashëgimtarja e pasur, Marta "Sani" Bulov, u nda nga jeta të dielën në një klinikë të Nju Jorkut. Pasanikja u bë subjekt i një prej krimeve më sensacionale të Amerikës së viteve tetëdhjetë. I shoqi, Klausi, u akuzua se u përpoq ta vriste përmes një mbidoze insuline, e cila, sipas akuzës, e futi në gjendje kome. Ai u dënua për dy tentativa për të vrarë të shoqen, por u shpall i pafajshëm nga gjyqi i Apelit. Rigjykimi i tij në vitin 1985, i cili e shpalli të pafajshëm, zuri faqet e para të mediave për një kohë të gjatë.
Marta von Bulov, lindi me emrin Marta Sharp Krowford në një familje aristokratike, nga e cila trashëgoi një pasuri përrallore. Në të ri krahasohej me aktoren amerikane Greis Keli. Nga martesa e parë me princin Alfred von Auersperg të Austrisë u bë e njohur si princesha Auersperg. Me Klaus Bulov u martua në vitin 1966 dhe patën një vajzë, të quajtur Kozima.
Mëngjesin e 22 dhjetorit të vitit 1980 familjarët e gjetën Martën pa ndjenja në banjën e shtëpisë së familjes në Rhode Island. Nuk doli dot kurrë nga koma që prej asaj dite. Te tragjedia e Marta von Bulov u mbështet skenari i një filmi të famshëm hollivudian. Aktori Xheremi Ajrons fitoi një çmim "Oskar" për rolin e Klaus von Bulov të luajtur në filmin "Ndërrimi i pasurisë".
Avokati i njohur amerikan, Alan Dershoviç, i cili i siguroi Klausit pafajësinë në Apel, pasi ishte dënuar nga Gjykata e Shkallës së Parë, tha në një deklaratë për shtyp të bërë publike po dje, se vdekja e Marta Bulov "është fundi i trishtë i një tragjedie të trishtë, që disa prej të afërmve të saj u përpoqën ta kthenin në krim. Ne provuam përfundimisht që nuk bëhej fjalë për krim. Shpëtuam jetën e tij, por nuk arritëm të bënim të njëjtën gjë me të sajën".
Sipas mbrojtjes së Klausit, ishte përdorimi i tepruar i alkoolit faktori kryesor i komës së Martës. Dershovic bëri me dije se kishte folur me Klaus von Bulov, i cili tani jeton në Angli dhe tha se ky i fundit ishte ndjerë shumë keq pas marrjes së lajmit.
Pas përfundimit të gjyqit, që e shpalli të pafajshëm, Klausi u përball me një tjetër çështje gjyqësore, të ngritur nga Aleksander von Auersperg dhe Ala von Auersperg Isham, dy fëmijët që Marta pati nga martesa e parë lidhur me pasurinë e nënës së tyre. Çështja u mbyll në vitin 1987 me Klaus von Bulov që pranoi të hiqte dorë nga pretendimi për paratë dhe pasuritë e së shoqes, si edhe të divorcohej nga ish-princesha. Kozima, vajza e lindur nga martesa e Martës me Klaus von Bulov, u pozicionua përkrah babait të saj gjatë gjithë problemeve gjyqësore që nisën pas rënies në koma të Martës.
Marta von Bulov, lindi me emrin Marta Sharp Krowford në një familje aristokratike, nga e cila trashëgoi një pasuri përrallore. Në të ri krahasohej me aktoren amerikane Greis Keli. Nga martesa e parë me princin Alfred von Auersperg të Austrisë u bë e njohur si princesha Auersperg. Me Klaus Bulov u martua në vitin 1966 dhe patën një vajzë, të quajtur Kozima.
Mëngjesin e 22 dhjetorit të vitit 1980 familjarët e gjetën Martën pa ndjenja në banjën e shtëpisë së familjes në Rhode Island. Nuk doli dot kurrë nga koma që prej asaj dite. Te tragjedia e Marta von Bulov u mbështet skenari i një filmi të famshëm hollivudian. Aktori Xheremi Ajrons fitoi një çmim "Oskar" për rolin e Klaus von Bulov të luajtur në filmin "Ndërrimi i pasurisë".
Avokati i njohur amerikan, Alan Dershoviç, i cili i siguroi Klausit pafajësinë në Apel, pasi ishte dënuar nga Gjykata e Shkallës së Parë, tha në një deklaratë për shtyp të bërë publike po dje, se vdekja e Marta Bulov "është fundi i trishtë i një tragjedie të trishtë, që disa prej të afërmve të saj u përpoqën ta kthenin në krim. Ne provuam përfundimisht që nuk bëhej fjalë për krim. Shpëtuam jetën e tij, por nuk arritëm të bënim të njëjtën gjë me të sajën".
Sipas mbrojtjes së Klausit, ishte përdorimi i tepruar i alkoolit faktori kryesor i komës së Martës. Dershovic bëri me dije se kishte folur me Klaus von Bulov, i cili tani jeton në Angli dhe tha se ky i fundit ishte ndjerë shumë keq pas marrjes së lajmit.
Pas përfundimit të gjyqit, që e shpalli të pafajshëm, Klausi u përball me një tjetër çështje gjyqësore, të ngritur nga Aleksander von Auersperg dhe Ala von Auersperg Isham, dy fëmijët që Marta pati nga martesa e parë lidhur me pasurinë e nënës së tyre. Çështja u mbyll në vitin 1987 me Klaus von Bulov që pranoi të hiqte dorë nga pretendimi për paratë dhe pasuritë e së shoqes, si edhe të divorcohej nga ish-princesha. Kozima, vajza e lindur nga martesa e Martës me Klaus von Bulov, u pozicionua përkrah babait të saj gjatë gjithë problemeve gjyqësore që nisën pas rënies në koma të Martës.