Milo: Mosbindja civile, paqesore Denis Dedej
Kryetari i Partise Demokracia Sociale, Paskal Milo, u shpreh dje se e vetmja mundesi qe i ka mbetur opozites shqiptare pas deshtimit te negociatave ne Kuvendin e Shqiperise, jane protestat. Ne nje prononcim te dhene per gazeten "Koha Jone", aleati tradicional i Partise Socialiste, komentoi gjithashtu edhe deklaratat e kryesocialistit Edi Rama per protesta deri ne mosbindje civile. I pyetur se si e shikon rrugen qe po ndjekin socialistet per protestat, si dhe deklaratat qe me date 30 prill do te rrezojne qeverine, lideri Partise Demokracia Sociale tha se nuk ka mbetur rruge tjeter per te kerkuar transparencen e plote te zgjedhjeve parlamentare te 28 qershorit. "Nuk ka mbetur per Partine Socialiste dhe opoziten, rruge tjeter per te kerkuar transparencen e plote te procesit zgjedhor te 28 qershorit, pasi kane deshtuar te gjitha perpjekjet per te gjetur nje zgjidhje te negociueshme ne Kuvendin e Shqiperise, edhe me ndermjetesimin e faktoreve nderkombetare", deklaroi Milo. Krahas deklarates per largimin e qeverise me 30 prill, kryetari i Partise Socialiste, Edi Rama, eshte shprehur se ndodhen ne kushtet kur protesta, eshte i vetmi mjet qe i ka mbetur popullit deri ne mos bindje civile. I pyetur ne lidhje me keto deklarata, aleati i socialisteve tha se protesta eshte nje mjet i njohur demokratik. "Mosbindja civile eshte nje levizje gjithashtu e njohur, madje me karakter pasiv. Keshtu qe, brenda ketyre dy koncepteve, une nuk shoh se ka ndonje kercenim per te dhunuar institucionet ose per t'i permbysur ato me force, sic u bene perpjekje ne shtator te vitit 1988", sqaron kryetari i PDS. Nje tjeter levizje e socialisteve qe ka sjelle edhe reagime te ndryshme, eshte dhe perfshirja ne programin politik te partise me te madhe ne opozite, mbeshtetjen ndaj ish-pronareve dhe ish te perndjekurve. Per sa i perket ceshtje, ne lidhje me perfshirjen ne programin politik te ketyre shtresave, lideri i Partise Demokracia Socialiste tha se per sa kohe keto dy ceshtje jane bere probleme sociale, me permasa shqetesuese, cdo parti e spektrit te majte duhet t'i kete ato ne vemendjen e saj. Per rrjedhoje, sipas tij, Partia Socialiste nuk ben gje tjeter vecse perfshin nje ceshtje, ose dy ceshtje qe i takon per nga natyra e saj politike. Prandaj ketu, vlereson ai, nuk eshte fjala per t'i marre Partise Demokratike apo ndonje partie tjeter te se djathtes nje elektorat tradicional, qe ka votuar pergjithesisht per te djathten. "Eshte nje perpjekje dhe nje reflektim pse jo ndaj nje pjese te shoqerise qe ende sot vazhdon te mos jete e perfaqesuar, te mos jete e kenaqur per nga menyra se si jane trajtuar shqetesimet e saj", komentoi dje levizjen e socialisteve, lideri i PDS, Paskal Milo. Prej kohesh Partia Socialiste dhe aleatet e saj kane kerkuar njezeri hetimin e plote te zgjedhjeve parlamentare te 28 qershorit. Protestat e organizuara nga opozita per hapjen e kutive ze pjesen kryesore te axhendes se tyre politike per te plotesuar kete kerkese.