Minarolli: MSA, Parlamenti grek e voton javes tjeter
Fillimisht, ka pasur probleme me perkthimin. “Pati vonesa sepse erdhi njehere marreveshja, por kishte probleme ne perkthim dhe u kthye ne Bruksel dhe pastaj ndoqi te gjitha procedurat, ministrite e linjes qe duhet ta shqyrtonin ate”, ka pohuar Minarolli.
Pikerisht ketu vjen vonesa tjeter. Qeveria Karamanlis u trondit gjate ketij viti nga disa kriza te brendshme, qe sollen levizje ministrash. Por ambasadori Minarolli thote se vetem para pak ditesh eshte takuar me kryetarin e Parlamentit Dimitris Siufas, i cili i ka konfirmuar se MSA ka mberritur ne Parlament dhe do te ratifikohet ne ditet ne vijim.
“Une u takova me kryetarin e Parlamentit, i cili me konfirmoi mua se marreveshja ne fjale ka mberritur ne Parlament dhe une pres qe ose kete jave ose javen qe vjen, ajo te kaloje ne Parlament. Ka pasur probleme ministrash, te cilet duhet te jene te pranishem”, ka theksuar Minarolli.
Por zevendesi i zotit Siufas, Jorgos Surlas, vetem pak dite me pare kercenoi ne nje emision televiziv se do te votonte kunder MSA-se, per shkak te voneses ne ngritjen e varrezave te ushtareve greke. Teme qe ambasadori Minarolli nuk pranon ta preke, duke ndjekur keshtu heshtjen zyrtare te Tiranes, por edhe te Athines.
“Une kam marre takim me kryetaret e partive parlamentare dhe ata me kane konfirmuar se MSA do te kaloje. Por ceshtja eshte se cdo deputet ka sovranitetin e tij. Por mendoj se perderisa paraqitet ne Parlament, ajo do te kete marre nje mirekuptim per t'u kaluar”, shton Minarolli.
Ajo qe mbetet per t’u pare eshte nese deputetet qe dolen para kamerave, apo kundershtaret e kryeministrit Karamanlis brenda Demokracise se Re do te perdorin ceshtjen e varrezave te ushtareve per te shtuar presionin ndaj tij.
Nje tjeter fakt, qe e ben ridaljen ne debatin publik te ceshtjes se varreve te ushtareve greke, me shume nje ceshtje te brendshme politike te Greqise, sesa nje element destabilizues ne marredheniet mes Tiranes dhe Athines.