Ministri Panariti vizitë dyditore në Kosovë

Ministri i Jashtwm, Edmond Panariti, u nis sot për një vizitë zyrtare dyditore në Kosovë. Kjo është vizita e parë që do të çelë turin e vizitave të tjera në rajon të Ministrit Panariti.
 

Gjatë kësaj vizite, Ministri Panariti do të ketë bisedime dypalëshe me homologun e tij, zotin Enver Hoxhaj, Presidenten e Kosovës, Ahtifete Jahjaga, me Kryetarin e Kuvendit, Jakup Krasniqi, me Zv/kryeministrin e Parë, Behgjet Pacolli, dhe me Zv/kryeministrin dhe Ministrin për Administrimin dhe Pushtetin Lokal, Sllobodan Petroviç.
 

Qëllimi i vizitës do të jetë zgjerimi dhe intensifikimi i mëtejshëm i marrëdhënieve dypalëshe, diskutimi mbi ecurinë e proceseve integruese rajonale dhe europiane, pjesëmarrja e Kosovës në nismat e forumet rajonale, si dhe bashkëpunimi dhe koordinimi i përpjekjeve për njohje të reja të Kosovës.
 

Gjatë qëndrimit në Kosovë, Ministri do të zhvillojë homazhe në vendin ku prehet Presidenti i ndjerë Ibrahim Rugova si dhe në kompleksin memorial Adem Jashari në Prekaz.