Ministri i Jashtëm austriak nesër vizitë në Tiranë

Çështje të rëndësishme të bashkëpunimit dypalësh mes Shqipërisë dhe Austrisë, për integrimin e vendit tonë në BE dhe mbështetjen austriakenë këtë drejtim si dhe për procesin e heqjes së vizave për qytetarët shqiptarë, janë disa nga temat më të rëndësishme që do të zhvillohen gjatë takimit midis dy ministrave të jashtëm. 

Në bisedime po kështu pritet të diskutohen edhe çështje të tjera si situata në rajonin e Ballkanit Perëndimor dhe integrimi i tij në BE, mbështetja për pavarësinë e Kosovës etj.

Gjithashtu, ministri austriak do të zhvillojë një takim me presidentin e Repulikës Bamir Topi, me kryetaren e Kuvendit Jozefina Topalli, me kryeministrin Sali Berisha si dhe me ministrin e Shtetit Genc Pollo. Gjithashtu, Spindelegger do të zhvillojë edhe një vizitë në Shkodër.