Ministri i Shendetesise perplasje me perfaqesuesit myslimane
Myftiu i Elbasanit Agim Duka bashke me perfaqesues te tjere te komitetit mysliman ne Elbasan kane mberritur ne spitalin kirurgjik brenda disa minutave pasi kane mesuar aksidentin. Ai kishte te aksidentuar vellane dhe nipin si dhe pjesetare te tjere te komitetit mysliman ne Elbasan.
Keshtu Kastriot Duka imam xhamie i njohur per sherbimin e tij nepermjet nje shoqate humanitare ne Kosove kishte pesuar demtime me te renda ndersa me lehte eshte demtuar 22-vjecari Fatmir Duka qe drejtonte mjetin tip fugon si dhe Anetari i Nderit i Xhematit te Xhamise Mbret Faik ota qe kishin marre demtime me te lehta.
Tre te demtuarit kane marre ndihmen mjekesore ne dhomat e mjekimit te katit te pare ne spitalin kirurgjik. Ata jane shprehur se falenderojne Zotin qe kane shpetuar me pak demtime duke mos dashur te prononcohen mbi shkakun apo fajtoret e aksidentit. Myftiu i Elbasanit Agim Duka ndersa ishte tek familjaret e demtuar tha se ka ndodhur nje aksident qe fatmiresisht nuk ka shenuar te demtuar rende. Aksidente te tilla ne rruge ndodhin. Urgjenca ka qene e shpejte. Mjekimi nga stafi mjekesor eshte i duhur.
Personat jane duke marre ndihmen e pare dhe fatmiresisht jane ne gjendje te stabilizuar jashte rrezikut per jeten. Mesohet se personeli mjekesor ka qene ne dispozicion dhe jane marre masat qe te tre te aksidentuarit e mbetur ne spitalin e Elbasanit te kene mjekimin e duhur. Anetaret e komunitetit mysliman te Elbasanit ishin duke udhetuar ne drejtim te Peqinit kur jane perfshire ne aksidentin me ministrin e Shendetesise Petrit Vasili.
Hetimet
Burime te policise rrugore bejne te ditur se aksidenti eshte regjistruar rreth ores 1000 dhe mjetet jane perplasur me njera-tjetren duke shkaktuar demtimin e te dyjave dhe sidomos te pasagjereve ne sediljet e para.
Ekspertet qe kane mberritur ne vendin e aksidentit bejne te ditur se nga veprimet e para hetimore rezulton se shkak per ndodhjen e aksidentit ka qene mjeti me targa te Kosoves. Sipas policise fugoni kishte kaluar ne korsine e gabuar duke sjelle edhe perplasjen. Paraprakisht ka filluar procedimi penal per shkelje te rregullave te qarkullimit rrugor ndaj drejtuesit te fugonit.
Mjeket
Nikollaq Thana shef i Sherbimit te Reanimacionit ne spitalin kirurgjik te Elbasanit tha se ministri ka pasur demtime te lehta dhe eshte interesuar per pjesen tjeter te te demtuarve nga aksidenti. Ne aksident ishte perfshire ministri i Shendetesise Petrit Vasili me shoqeruesit e tij punonjesit e ministrise.
Pasi erdhen ketu beme perpunimin e rastit te plageve. Beme ekzaminimin e rastit. Gjendja e ministrit eshte e stabilizuar pa probleme per jeten por per nje ndjekje me dinamike u vendos qe kater pacientet te transferohen ne Spitalin Ushtarak ne Tirane. Ministri kishte demtime te lehta ne fytyre dhe ne koke nje hematome ne kercirin e majte.
Gjendja eshte stabilizuar. Parametrat jane ne rregull. Mendojme se rastet e tjera nuk paraqesin probleme shqetesuese per jeten. Edhe shoqeruesit e tjere kane plage ne fytyre dhe ne ekstremitete. Jane perpunuar plaget. Jane bere terapia e urgjences me qetesues dhe antibiotike. Momentalisht nuk paraqesin ndonje problem te vecante qe rrezikon jeten e tyre. Reagimi i ministrit ka qene me se normal.
Ai eshte interesuar per pjesen tjeter te aksidentuarve. Po behet cdo perpjekje per te te gjithe personat e tjere te aksidentuar. Ne po bejme gjithcka eshte e mundur per te gjithe personat e perfshire ne aksident. Gjendja e tyre eshte e stabilizuar dhe ndodhen jashte rrezikut per jeten.
aksidenti
Ministri Petrit Vasili u perfshi ne nje aksident teksa udhetonte ne makinen qeveritare se bashku me dy keshilltaret e tij dhe shoferin.
Makina tip Benz me targa TR 0140 Z e drejtuar nga shtetasi Andi Harizaj eshte perplasur me nje fugon tip Volksvagen me targa KS 02-203AN i cili ishte duke udhetuar nga Elbasani per ne Peqin ne afersi te fshatit Paperr i drejtuar nga shtetasi Fatmir Duka. Si pasoje eshte demtuar ministri i Shendetesise Petrit Vasili drejtori i Politikave Shendetesore Pellumb Piperaj 55 vjec si dhe shefi i kabinetit Klodian Rrepaj 40 vjec qe udhetonin ne mjetin qeveritar.
Nderkohe jane demtuar si pasagjere ne mjetin tjeter tre perfaqesues te komunitetit mysliman ne Elbasan Kastriot Duka 42 vjec dhe Faik ota 78 vjec si dhe shoferi i mjetit 22-vjecari Fatmir Duka. Menjehere te demtuarit jane derguar per ne spitalin kirurgjik te Elbasanit ku edhe ministri dhe te demtuarit e tjere kane marre ndihmen e pare mjekesore.
Pasi kane marre mjekimin ministri dhe keshilltaret e tij jane nisur drejt spitalit te Tiranes nepermjet dy helikoptereve madje duke u larguar me autoambulance ne pjesen e pasme te kirurgjikut per ti shpetuar keshtu objektivit te shume mediave te grumbulluara para spitalit kirurgjik. Sipas te dhenave te policise ministri Petrit Vasili po shkonte ne Elbasan ku pritej te kishte nje takim me drejtues lokale.
Ne spitalin kirurgjik ka mberritur me shpejtesi drejtori i Qendres Spitalore Pjerin Xhuvani i cili angazhoi te gjithe sherbimin mjekesor ne perballimin sa me mire te ketij aksidenti me 6 te plagosur. Gjithashtu ne spitalin kirurgjik mberriti edhe prefekti i Elbasanit Shefqet Deliallisi si dhe kandidati per kryetar bashkie i LSI-se Durim Hushi te cilet jane informuar per gjendjen e ministrit dhe te aksidentuarve te tjere duke qendruar deri ne nisjen e ministrit per mjekim me te specializuar ne Tirane.