Ministria e Ekonomise Te zbatohet vendimi i Gjykates se Dibres

Ministria e Ekonomise u kerkoi sot strukturave shteterore qe te zbatojne sa me pare vendimin e gjykates se Dibres dhe te nxjerrin minatoret greviste nga miniera e Bulqizes.

Vendimi i gjykates qe u be publik sot kerkon qe te nxirren minatoret nga mjediset e minieres dhe te lejohen specialistet qe te nderhyjne per te shmangur rreziqet per jeten dhe shendetin e tyre. Ministria tha se ne mjediset e minieres eshte krijuar nje situate e rrezikshme per shkak te nderprerjes se punes si per grevistet ashtu edhe per shkaterrimin e makinerive neper galeri.

Por minatoret paralajmeruan qe policia te mos nderhyje ne protesten e tyre. Ata thane se do te shkaktojne permbytje ne miniere dhe ne vendin e greves nese nderhyjne forcat e rendit. Greva e tyre e urise hyri sot ne diten e 26 me kerkesa ekonomike per rritje pagash dhe siguri ne pune. Kompania ka deklaruar se do te plotesoje kerkesat e tyre por perseri greva vazhdon nga mosbesimi se kerkesat nuk do te plotesohen.

Disa dite me pare greviset u nderruan pothuajse te gjithe me nje grup tjeter punetoresh dhe ata mendojne qe ta vazhdojne greven me grupe te nderrueshme. Organizatoret thone se do ti mbajne te fshehta emrat e grevisteve sepse familjareve te tyre po u behen presione te ndryshme.