Ministrit të Kulturës i vjedhin makinën

 Vidhet makina e ministrit të Kulturës, Aldo Bumçi. Vjedhja e automjetit personal të Bumçit ka ndodhur mbrëmë rreth orës 19:00, por ngjarja është bërë e ditur vetëm sot nga policia e kryeqytetit.

Mësohet se makina e tipit Auqi Q7 ka qenë e parkuar para godinës së Ministrisë së Kulturës, në Rrugën e Kavajës, kur është marrë nga një person, i cili dyshohet të jetë rreth moshës 20-25 vjeç.

Sipas burimeve nga policia, mendohet që automjeti ka qenë i ndezur, çka e ka bërë fare të lehtë vjedhjen e tij. ndërkohë, policia po punon për identifikimin e autorit.