Miratohet akti per heqjen e varrezave te makinave, PS akuza per korrupsion
Debate te gjata ne Kuvend per aktin normativ “Per heqjen e mjeteve motorike, te rimorkiove, si dhe te pjeseve te tyre te kembimit, te dala jashte perdorimit, qe ndodhen prane rrugeve kombetare”. Vetem pas me shume se tre ore diskutimesh, mazhoranca miratoi e vetme, me 71 vota pro dhe 60 kunder, aktin qe parashikon heqjen e varrezave te makinave qe jane buze rrugeve kombetare. Sipas opozites, ky akt normativ eshte ne kundershtim me Kushtetuten, pasi nuk i pergjigjet tri elementeve te domosdoshem si nevoja, urgjenca dhe marrja e masave te domosdoshme. “Me kete akt normativ po pergatitet nje afere korruptive dhe po kerkohet te ngrihet nje industri, e cila do bazohet mbi korrupsionin qeveritar. Nuk jane vetem varrezat e makinave qe ndodhin rruget qe demtojne mjedisin. Cfare po ben qeveria per te hequr guroret, bizneset qe jane buze rrugeve, per te rregulluar akset rrugore, vendet kryesore ku kemi pikat turistike”, akuzoi deputeti socialist, Blendi Klosi. Sipas tij, pergjate autostradave ka lloj lloj mbetjes urbane, dhe qeveria merret pikerisht me makinat. Po kerkohet te ngrihet nje industri monopol. T’ia heqim biznesin ketyre pakicave dhe t’ia kalojme grosisteve. Akti normativ e deshmon kete, do te marrin skrapin, do ta shesin te grosistet”, akuzoi Klosi. Po keshtu edhe socialisti, Armand Subashi, tha se akti bie ndesh me Kushtetuten, si dhe me konfiskimin e ketyre mjeteve nga ministria, sic eshte parashikuar ne akt, cenohet e drejta pronesise. “Nuk mund te konfiskohet pa iu nenshtruar nje procesi gjyqesor”, tha Subashi, duke kritikuar se nje akt i tille nuk do zgjidhe problemet mjedisore, pasi nuk do mbyllen varrezat, por do zhvendosen me tej, me afer zonave te banuara. Por sipas mazhorances, akti eshte i domosdoshem per mbrojtjen e mjedisit, dhe ndaj opozita duhet ta miratoje ate. “Varrezat perbejne rrezik per qarkullimin. Behet fjale per rreth 18 % e aksidenteve qe rrjedhin nga prania e varrezave te automjeteve”, u shpreh Zv/ministri i Mjedisit, Taulant Bino. Po keshtu edhe Tritan Shehu, tha “Akti normativ eshte mjaft i rendesishem per mbrojtjen e mjedisit” dhe ftoi opoziten ta votoje, i mbeshtetur edhe nga Ministri i Transporteve, Sokol Olldashi. “Me largimin 1 km nga akset kryesore te ketyre varrezave, ne baze te aktit normativ 290 aktivitete te palicencuara do te detyrohen te largohen dhe do te detyrohen te marrin leje mjedisore”, tha Olldashi. Akti i propozuar nga Ministria e Mjedisit, synon marrjen e masave te menjehershme per perballimin e situates emergjente, te krijuar nga gjendja e renduar dhe problematike e vendgrumbullimeve te mjeteve motorike, te dala jashte perdorimit, prane rrugeve kombetare, te cilat kane ndikuar ne ndotjen e mjedisit dhe perkeqesimin e sigurise rrugore ne te gjithe territorin.