Miratohet raporti për 2008 dhe plani për 2009

Prishtinë - Komisioni për Punë të Brendshme të Kosovës ka miratuar sot Raportin e Punës së Komisionit për vitin 2008 si dhe planin për vitin 2009. Gjatë mbledhjes Komisionit për Punë të Brendshme dhe Siguri të Kuvendit të Kosovës,të kryesuar nga Rrustem Mustafa, kryetar i Komisionit, u bë shqyrtimi i Projekt-strategjisë kundër korrupsionit 2009-2011, Ligjit për tubimet publike, i cili është rikthyer në procedurë shqyrtimi dhe amendamentimi në Kuvend,si dhe i raporteve të paraqitura në këtë Komision nga Ministria e Punëve të Brendshme dhe Sigurisë dhe Policia e Kosovës.

Në vazhdim të mbledhjes u miratua Raporti i punës së Komisionit për vitin 2008, si dhe plani i punës për vitin 2009.