Miratohet skema per rimbursimin e kartave

Kryeministri Sali Berisha, shpjegoi dje gjate mbledhjes se qeverise, lehtesirat qe disa kategori zgjedhesish do te kene per pajisjen me karta identiteti. Sipas tij, per te gjithe personat qe marrin ndihme ekonomike, kryetaret e komunave, do te blejne kuponet per te gjithe, dhe do jua japin me nje vlere prej 200 lekesh. "Nese nje familje ka 5 votues, ne ndihmen ekonomike do te derdhen 5 mije leke dhe ajo do te paguaje gjithsej 1 mije leke per kuponet", premtoi kryeministri. Per sa i perket studenteve, kreu i qeverise tha se kuponet per leternjoftimet do te blihen nga fakultetet dhe studentet duhet te paguajne per to, gjithashtu, 200 leke. "Fakultet te blejne kuponet dhe do t'ua japin studenteve, te cilet do te kene subvencionin prej 1 mije lekesh dhe do te dorezojne vetem 200 leke. Studentet duhet te paraqesin leternjoftimin per te hyre ne provim", sqaroi ai. Gjithashtu per pensionistet e fshatit dhe ata me pensione minimale ne qytet, qeveria, do te vendose ne daten e pensionit te pare te muajit maj, shumen e percaktuar prej 1 mije leke dhe ata do te paguajne vetem 200 leke per leternjoftim, duke e marre ate me 1/6 e cmimit te saj. "Ne rast se parate merren dhe nuk blihet leternjoftimi, atehere nuk do t'u jepet pensioni tjeter", u shpreh Berisha.