Uisner-Topi: Zgjedhjet, gure prove per ne BE

Zhvillimi i zgjedhjeve te lira dhe te ndershme ne 28 qershor, jane guri i proves se konsolidimit te demokracise dhe rruga drejt Bashkimit Evropian. Nje mesazh i tille, iu dha dje Presidentit te Republikes, Bamir Topi, nga ish i ngarkuari i Posacem te Departamentit te Shtetit Amerikan per Kosoven, Frenk Uisner. Gjate takimit te zhvilluar ne Pallatin e Brigadave, Uisner, vleresoi reformat e arritura nga Shqiperia si dhe inkurajoi zhvillimin e zgjedhjeve te lira, si nje test i vendit tone per integrim ne Bashkimin Evropian. "Vleresoj arritjet e vendit tuaj, ne proceset e tij integruese si ne drejtim te reformave te rendesishme te ndermarra, si ajo ne drejtesi, reforma zgjedhore, lufta pa kompromis kunder korrupsionit dhe krimit te organizuar, konsolidimi i shtetit te se drejtes", u shpreh Uisner. Nga ana e tij, Presidenti Topi shprehu mirenjohjen e thelle dhe vleresimin qe SHBA, i dha Shqiperise ne forcimin e demokracise, konsolidimin e shtetit ligjor, te shoqerise civile, dhe sidomos per realizimin e reformave per anetaresimin ne NATO. "Tashme qe u krye dhe anetaresimi i plote i Shqiperise ne Aleancen e Atlantikut te Veriut, marredheniet mes Shqiperise dhe SHBA-se, te cilat ne i konsiderojme te nje rendesie paresore, do te forcohen me tej dhe do te kene dimensionin e partneritetit ku vendi yne do te vazhdoje te sillet si nje aleat teper besnik", u shpreh Topi. Kreu i shtetit, ritheksoi vullnetin dhe angazhimin e Shqiperise per kryerjen e metejshme te reformave te nevojshme per integrimin euroatlantik dhe rritjen e kontributit te saj te rendesishem dhe stabilizues ne te gjithe rajonin e me gjere. Ish i ngarkuari i Posacem i Departamentit te Shtetit te SHBA-se ne Kosove, i kerkoi gjithashtu Presidentit Topi, qe vemendja te perqendrohet tek njohja e Kosoves, nga sa me shume shtete.