Mjeket e Ushtarakut, greve ne rast transferimi

Protestat e personelit te Spitalit Ushtarak rrezikojne te pershkallezohen deri ne bojkot te pergjithshem te punes. Ky eshte paralajmerimi i mjekeve te ketij spitali, te cilet shprehen se i kane lene afat institucioneve perkatese 5 dite per ta zgjidhur problemin e ndryshimit te varesise. “Nese nuk marrim pergjigje pozitive, do ta bojkotojme punen”, thane dje mjeket, te cilet shtuan se kjo deklarate nuk behet thjesht per presion, por per nje kauze te drejte. Sipas tyre, eshte jashte logjike qe Qendra e Traumes se Spitalit Ushtarak te kaloje nen varesine e Qendres Spitalore Universitare “Nene Tereza”. Sipas nje vendimi te tille, Trauma dhe Ortopedia nuk do te trajtohen me te Ushtaraku, por ne QSUT. Pa marre parasysh mendimin e mjekeve te punesuar prane Qendres se Traumes, Ministria e Shendetesise ka vazhduar me tej ne vendimin e saj, duke caktuar edhe mjediset ne te cilat do te vendoset Reparti i Traumes dhe Ortopedise ne QSUT. Drejtori i qendres spitalore me te madhe ne vend eshte shprehur, se kjo qender nuk i ka mundesite per te perballuar numrin e shtreterve qe ka Qendra e Traumes. Pikerisht ketu e mbeshtesin kerkesen e tyre mjeket e kesaj qendre, te cilet thone, se nese do te kalonin ne qendren tjeter spitalore, numri i shtreterve do te ulej ndjeshem.