Mjeket e poliklinikave, 1 page shperblim

Sonila Isaku
Bluzat e bardha si ne poliklinika ashtu edhe ne spitale do te perfitojne shperblime sipas performances dhe punes se tyre. Ky ka qene vendimi me i fundit i marre nga Instituti i Sigurimeve dhe Kujdesit Shendetesor. Sipas ketij vendimi, mjeket e poliklinikave do te perfitojne nje page shperblim, kurse punonjesit e spitaleve ne varesi te pages qe kane.
Shperblimet
Punonjesit e spitaleve te cilet kane paga te larta do te perfitojne nje shperblim prek 10 mije lekesh, kurse ata me paga te uleta 15 mije leke. Nderkohe qe per mjeket dhe infermieret e poliklinikave pagesa per festat e fundvitit do te jete sa nje page mujore. Kjo per vete faktin se kjo kategori i bluzave te bardha shperblehet ne baze te punes dhe performances qe ka kryer gjate nje viti. "Fale rezultateve te arritura, pothuajse te gjitha Qendrat Shendetesore perfitojne nje page shperblim ne fundviti. Sa i takon spitaleve, ato do te perdorin 5 per qind te fondit te planifikuar vjetor te pagave per dhenien e shperblimeve ne masen 15 mije leke per punonjesit me paga te uleta dhe 10 mije leke per punonjesit e tjere" ka pohuar drejtoresha e ISKSH-se, Elvana Hana. Sipas saj, spitalet dhe mund te perdorin 30 per qind te te ardhurave dytesore, dhe shuma qe mund te perfitohet mund te shkoje deri ne nje page mujore.
Perfituesit
Punonjesit e poliklinikave jane ata qe kane marre shperblimet me larta per kete vit. Kjo sepse, ne fund te 6 mujorit punonjesit e 415 qendrave shendetesore kane perfituar nje page shperblim ose gjysme ne baze te performances se arritur, nderkohe qe ne fund te vitit po marrin nje tjeter page. "Sipas rajoneve rezulton se perfitojne shperblime afersisht dy paga mujore, njera eshte marre ne mes te vitit dhe tjetra ne fund te vitit, punonjesit e rajoneve te Tiranes, Korces, Dibres, Fierit, Beratit, Vlores, Tropojes, te cilat kane realizuar me mire edhe treguesit e cilesise e performances" ka nenvizuar Hana. Nga keto shperblime jane perfituar rreth 9300 punonjes te poliklinikave, nga te cilet rreth 2000 mjeke familje e te pergjithshem dhe specialiste. Po keshtu 6600 infermiere dhe 700 punonjes te tjere, sanitare, shofere, ekonomiste. Nderkohe per spitalet eshte ndjekur nje tjeter procedure, ajo ne baze te te ardhurave dytesore. Per kete vit keto institucione kane realizuar rreth 300 milion leke te ardhura dytesore, 30 per qind e se cilave do te mund te perdoret per shperblime. Nga fondi i shperblimeve perfitojne rreth 11.888 punonjes te sherbimit spitalor sekondare e terciar, nga te cilet mbi 1600 mjeke, 6300 infermiere e laborante dhe 3988 punonjes te tjere administratore, e te sherbimit mbeshtetes.

Te dhena
15 mije leke shperblim perfitojne punonjesit e spitaleve me paga te uleta
10 mije leke shperblim perfitojne punonjesit e spitaleve me paga te larta
1 page shperblim do te perfitojne punonjesit e poliklinikave
30 per qind e te ardhurave dytesore eshte perdorur per shperblimin e spitaleve
2000 mjeke te poliklinikave do te perfitojne shperblim
6600 infermiere te poliklinikave do te perfitojne shperblim
700 punonjes te tjere si sanitare, shofere, ekonomiste perfitojne shperblim
11.888 punonjes te sherbimit spitalor perfitojne shperblim
1600 mjeke perfitojne 10 mije leke shperblim
6300 infermiere e laborante ne spitale do te perfitojne shperblim
3988 punonjes te tjere administratore, e te sherbimit mbeshtetes shperblim prej 15 mije lek