Monumenti i Uashingtonit i mbyllur per vizitoret qe pas termetit

Nje prej objekteve me te njohur te kryeqytetit amerikan Monumenti i Uashingtonit vazhdon te jete i mbyllur per vizitoret. Inxhinieret kane ne plan te kontrollojne sot gjithe faqet anesore te kulles per te pare per deme qe mund te jene shkaktuar nga termeti i muajit te kaluar me magnitute 5.8. Ky ishte termeti me i forte qe goditi brigjet lindore amerikane qe nga viti 1944.

Monumenti ne forme obelisku 170 metra i larte u mbyll me 23 gusht pas termetit dhe autoritetet thone se stuhia tropikale qe goditi zonen pak dite me pas mund te kete shkaktuar deme te tjera. Megjithe shqetesimet autoritet theksojne se struktura e monumentit nuk eshte demtuar.  Sipas specialisteve vleresimi i demeve mund te zgjase deri ne mes te tetorit. 

Obelisksu eshte ndertuar ne vitin 1884.  Dje Sherbimi Kombetar i Parqeve qe kujdeset per monumentin beri publike videon e regjistruar nga kamerat e sigurimit gjate termetit ku shihet lekundja e monumentit dhe njerezit qe nxitojne te zbresin shkallet e brendshme ndersa copa mbeturinash bien nga tavani.