Moskë, tubim pro Putinit

Policia ruse tha se rreth 30 mijë janë tubuar në qendër të Moskës në mbështetje të kryeministrit rus Vlladimir Putin në garën e tij për president.

Tubimi po mbahet vetëm një javë para zgjedhjeve presidenciale te 4 marsit.

Sondazhet si dhe analistët thonë se Putini do ta ketë të lehtë fitoren.

Tubimi i sotëm është organizuar nga Fronti Popullor i të gjithë Rusëve, një grup i individëve dhe organizatave që u shfaq në vitin e kaluar në mbështetje të kandidaturës së tij për president.

Putin, që është në pushtet qe 12 vjetët e kaluar, së fundi është përballë me një seri protestash kundër udhëheqjes së vazhdueshme të tij në Rusi si dhe për shkak të zgjedhjeve parlamentare te dhjetorit, të cilat nuk ishin të rregullta.