Mosrespektimi i kontratave, gati revokimi i lejeve për 43 shoqëri minerare
Ministria e Ekonomisë, Tregtisë dhe Energjetikës vendosi dje nisjen e procedurave për revokimin e lejeve minerare për 43 shoqëri që janë të pajisura me leje minerare në vendin tonë. Vendimi i ministrit të Ekonomisë, Tregtisë dhe Energjetikës, Nasip Naço, erdhi pas kontrolleve të vazhdueshme që janë zhvilluar mbi subjektet minerare nga ana e Agjencisë Kombëtare të Burimeve Natyrore, nga të cilat ka rezultuar se një numër i caktuar shoqërish që janë të pajisura me leje minerare nuk përmbushin detyrimet ligjore për sektorin minerar. Kontrollet e kryera kanë verifikuar se, shumë prej subjekteve minerare për të cilat kanë nisur procedurat e revokimit të lejeve minerare, nuk kanë punuar dhe nuk punojnë, si dhe nuk kanë paraqitur programin vjetor të aktivitetit për vitin 2011, si dhe për vitet paraardhëse. Për këtë arsye, sipas propozimeve të AKBN-së, ministri i Ekonomisë, Tregtisë dhe Energjetikës ka nisur procedurat për revokimin e lejeve minerare për 43 shoqëri, të cilat janë njoftuar për një vendim të tillë. Brenda një periudhe 30-ditore nga marrja e këtij njoftimi, ministri vendos për revokimin e lejes minerare. Në njoftimet përkatëse që iu janë dërguar shoqërive minerare, këto të fundit vihen në dijeni për mosplotësimin e detyrimeve ligjore, si mosrealizimin e detyrimeve sipas neneve 56,57 dhe 59 të Ligjit Minerar Shqiptar nr.7796, datë 17.02.1994, i shtuar dhe i amenduar, apo mosrealizimin e detyrimeve sipas nenit 25 të ligjit nr.10304, datë 15.07.2010 “Për Sektorin minerar në Republikën e Shqipërisë“. Ministria e Ekonomisë, Tregtisë dhe Energjetikës do të vijojë të zbatojë me përpikmëri legjislacionin përkatës për sektorin minerar në vend. Shoqëritë minerare për të cilat kanë nisur procedurat e revokimit të lejes minerare:
Shoqëritë që rrezikojnë lejet
1. LAMNICA shpk
2. MATRAKU shpk
3. iLIRI shpk
4. AFDA shpk
5. BABAJ shpk
6. EKOBETON shpk
7. XHULJO shpk
8. MEHILLAJ shpk
9. EL - TE - iN shpk
10. EL-DRAGAN shpk
11. ALIE - B shpk
12. ZOTAJ - Z shpk
13. F. BETON & CONSTRUKSION shpk
14. Ylberi shpk
15. S A T shpk
16. ALIE - B shpk
17. Rosho - Albania shpk
18. MILIS shpk
19. A & S - ALBANIA - 04 shpk
20. GJYLA shpk
21. RR. URA ASFALTIM NR.2 sha
22. HOAL shpk
23. XHULJO shpk
24. Elbasan Cement Factory shpk
25. GURI i BARDHE shpk
26. MEZURAJ shpk
27. MEZURAJ shpk
28. iLDI sha
29. Hasmuça shpk
30. Arginert Sha
31. Taullau - X6 shpk
32. Mineral - invest shpk
33. S.E.A shpk
34. Derrasa G shpk
35. Marei shpk
36. Biba-X shpk
37. Company Riviera 2008 shpk
38. ANK shpk
39. Arvo shpk
40. Salica shpk
41. Grifi-Xhiglent Albania shpk
42. Region shpk
43. Mrozi shpk
Naço bën gati pezullimin për 5 koncesione HEC-esh
Ministria e Ekonomisë, Tregtisë dhe Energjetikës përgatitet për t’u hequr lejet e ndërtimit të hidrocentraleve, 5 shoqërive koncesionare. Drejtoresha e Projekteve dhe Bashkëpunimit Ekonomik pranë kësaj ministrie, Matilda Merxhani tha për mediat se, këto shoqëri nuk kanë respektuar kushtet kontraktuale dhe kanë mangësi financimi për zhvillimin e projekteve. Sipas saj, do të penalizohen edhe 30 shoqëri të tjera që nuk kanë paraqitur në kohë projekt-zbatimin e ndërtimit të HEC-eve. Në Shqipëri numërohen 101 kontrata koncesionare për ndërtimin e 287 HEC-eve me një kapacitet total gjenerimi prej 2 milionë e 500 mijë kilovatë. Vlera totale e këtyre investimeve arrin në rreth 260 miliardë lekë. Pak ditë më parë, kryeministri Berisha kërkoi ndëshkim, deri në heqje të licencës, për shoqëritë që nuk u janë përmbajtur kushteve kontraktuale.