Mot i ftohtë edhe natën e Vitit të Ri

Tiranë-I ftohti polar që ka përfshirë vendin tonë do të jetë prezent edhe natën e ndërrimit të viteve. Madje sinoptikanët parashikojnë uljen e mëtejshme të temperaturave me fillimin e kësaj jave. Pra edhe festa e Vitit te Ri sipas parashikuesve të motit do të festohet kushte atmosferike të ftohta.

Vendi ynë do të ndikohet nga vlera të ulëta të presionit atmosferik. Masat ajrore që qarkullojnë do të jenë të paqëndrueshme, të ftohta dhe relativisht të lagshta. Moti do te jetë me vranësira të pakta deri në mesatare, kryesisht ne veri dhe ne jug te vendit.