Moti i keq, bllokohen tragetet dhe rruga e Kalimashit
Moti i keq dhe deti me dallge kane mbajtur larg portit disa prej trageteve te linjave Vlore-Brindisi apo Durres-Bari, duke lene udhetaret ne ankth per disa ore. Ne Vlore situata ka qene me problematike, pasi deri ne oret e pasdites vone, trageti "Veronica Lines" nuk ka mundur te ankorohet per shkak te forces prej 7 balle te detit. Per kete shkak 200 pasagjere dhe 70 automjete kane qendruar ne pritje te qetesimit te situates ne Rade. Problemet kane nisur ne oret e para te mengjesit edhe ne tragete te tjera te linjes, duke shkaktuar vonesa. Shefi i Kapitenerise se portit te Vlores, Anastas Goga, tha se ky mot do te vijoje edhe gjate 24 oreve te ardhshme. Ne Durres, trageti i linjes Ankona-Durres eshte ankoruar mbremjen e se martes me rreth 12 ore vonese dhe dje paradite, kater tragetet e linjes Bari-Durres, kane mberritur me vonese. Ndersa ne aksin Tirane-Kukes, afer kthesave te Kalimashit, qarkullimi i mjeteve eshte nderprere per 5 ore pasi nje masiv dheu e shkembinjsh kane bllokuar rrugen kryesore rreth ores 04:00 te mengjesit te djeshem. Shkak jane bere reshjet e dendura te shiut ditet e fundit, ndersa Drejtoria e Rrugeve ka nderhyre duke zhbllokuar situaten ne kete aks.