Moti, vjen acari 10-ditor

Sonila Isaku
Temperatura deri ne minus 13 grade celsius do te perfshijne vendin tone deri ne perfundim te muajit shkurt. Ndersa dita me e ftohte do te jete ajo e sotme, ku temperaturat do te shenojne nje ulje te menjehershme prej 6 gradesh celsius. I ftohti ka nisur te shfaqet qe gjate dites se djeshme ku qytete te ndryshme malore jane mbuluar nga bora, kurse ne vendet e uleta dhe ato bregdetare jane shenuar temperatura deri ne minus 4 grade celsius. Sipas meteorologeve, kjo situate ka ardhur per shkak te temperaturave dhe masave ajrore te ftohta te ardhura nga veriu i Evropes. "Masat e ftohta ajrore te ardhura nga Evropa veriore, do te perfshijne te gjithe vendin tone, i cili do te jete i 'akullt'. Si ne vendet malore, te uleta dhe bregdet, temperaturat do te zbresin nen zero grade", ka theksuar sinoptikani, Bojko Themelko. Sipas tij, temperatura me e ulet do te shenohet ne vendet malore deri ne minus 13 grade celsius, ne vendet e uleta minus 4, dhe ne bregdet minus 2 grade.
Temperatura me e ulet gjate dites se djeshme eshte shenuar ne qytetin e Pukes, me minus 9 grade celsius, ndersa trashesia me e madhe e bores ne zonen juglindore dhe pikerisht ne Korce. Po keshtu, zonat malore nuk kane mundur te dalin nga temperaturat nen zero grade edhe gjate orarit te drekes, kur shenohen temperaturat me te larta. Nderkohe qe keto temperatura mendohet se do te zgjasin per 10 dite, por ne ditet ne vijim nuk do te shoqerohen me shira apo me reshje te bores. "Situata pritet te permiresohet vetem pas 10 ditesh, kur ne vendin tone do te mberrijne masa ajrore te ngrohta, te cilat do te sjellin ndryshim te menjehershem te motit", ka pohuar Themelko. Sipas tij, derisa te mberrijne keto temperatura shqiptaret duhet te perballen edhe me ditet e nje dimri tjeter per kete vit.