Mourinho mohon krizën tek Real Madridi

Edhe pse Real Madridi ka humbur pesë pikë brenda një javë në Kampionatin spanjoll, trajneri Jose Mourinho mohon se ekipi i tij ka krizë.
 

“Disa njerëz po flasin për krizë, një situatë dramatike në të cilën as që mund të luftojmë për të qëndruar lartë. Ka njerëz të interesuar që të flasin për këtë krizë dhe njerëz që u përmbahen fakteve: se nuk ka krizë, edhe pse nuk kemi luajtur mirë javën e kaluar”, shprehet ai.

Sipas Mourinhos tri ndeshjet e këqija janë vetëm në një javë, por jo tri javë krize. “Kjo nuk është krizë, por vetëm një situatë negative”, ka thënë portugezi.