Mourinjo: Me çelsin, një sfidë si të tjerat

“Çelsi? Asgjë e veçantë. Nuk kam shumë për të thënë. Ajo ndeshje është larg, duhen edhe dy muaj, kemi shumë ndeshje të tjera përpara saj. Është gjithnjë e njëjta histori: një kundërshtar i rëndësishëm, i vështirë. I njoh mirë, do të jenë dy ndeshje të balancuara. Është ish-skuadra ime, ish-lojtarët e mi, ish-tifozët dhe ish-stadiumi im. Por nuk ka asgjë të veçantë”, theksoi tekniku portugez.Por më parë është Lacio, që sot do të jetë “mysafir” në “San Siro”. Mourinjo beson se nëse ekipi i tij luan si në finalen e Superkupës në Pekin (e humbur 2-1 përballë Lacios), Interi e fiton këtë ndeshje. “Zakonisht nuk bëjmë dy hapa të gabuar rresht në kampionat. Jemi të parët dhe do të jemi edhe pas kësaj ndeshjeje”, nënvizoi “I veçanti”.