Mozaiku i Tiranes gjate veres mjaft i vizituar nga turistet e huaj

Mozaiku i Tiranës gjatë sezonit të verës është vizituar më së shumti nga turistët e huaj, të cilët kanë shprehur interes për arkeologjinë.

Ai është një nga monumentet kryesore të kulturës në metropolin shqiptar.

Në këtë vend, përveç mozaikut të hershëm, turistët mund të njihen dhe me objektet si gurë varri romake apo kristiane, të cilët datojnë që nga shekulli i IV deri në shekullin XVI.

Rëndësia e këtij monumenti dhe e objekteve të zbuluara në të ka të bëjë jo vetëm me kulturën, por edhe me historinë pasi rrënojat dhe reliket e tjera dëshmojnë mbi popullimin e hershëm të kësaj zone.