Mungojne ambientet, fakulteti i Drejtesise "auditore" me qira

Fakulteti i Drejtesise do te marre ambiente me qira, si dhe do te zhvillohet mesim nga ora 8 e mengjesit deri ne oren 20 te mbremjes. Shtimi i numrit te studenteve ka sjelle edhe shtimin e numrit te pedagogeve, ndaj jane menduar keto zgjidhje alternative. Sipas drejtuesve te ketij fakulteti, ambientet jane teper te kufizuara. Pikerisht per kete arsye eshte vendosur qe edhe kete vit mesimi te zhvillohet me dy turne. Dyert e fakultetit do te hapen ne oren 08:00 te mengjesit dhe studentet do te vazhdojne te ndjekin leksionet neper auditore deri ne oren 20:00 te mbremjes. Por edhe mesimi me dy turne nuk do ta zgjidhe problemin e ambienteve. Pikerisht per kete arsye, rektori universitetit te Tiranes, Dhori Kule, ka deklaruar se zgjidhja mbetet vetem te ambientet me qira. "Eshte shtuar numri i stafit akademik, por fakulteti i Drejtesise ka ende te pazgjidhur nevojen per ambiente", ka sqaruar rektori, Dhori Kule. "Pervecse ky fakultet do te zhvilloje mesim me dy turne, ne po shikojme mundesine edhe te marrjes se ambienteve me qira, si e vetmja rruge qe do t'i jepte zgjidhje ketij problemi, pasi vete fakulteti nuk ka kapacitet te perballoje numrin e madh te studenteve", ka argumentuar ai. Ne fakt universiteti i Tiranes, ka kerkuar prej kohesh qe ky fakultet te zgjerohet me ambiente te reja, pasi ka nje numer tejet te kufizuar sallash dhe gati 2 mije studente qe e frekuentojne ate. Nderkohe qe kete vit pritet qe ne kete fakultetet te nisin studimet edhe 400 studente ne sistemin part-time.

Vitet e kaluar, qe me nderprerjen e pranimeve te studenteve me kohe te pjesshme, ambientet nuk ishin problem aq i madh sa jane tani. Megjithate, pas tre vitesh nderprerje, u vendos rikthimi i studimeve part-time, cka pritet te agravoje gjendjen, per shkak te mungesave te auditoreve.