"Musaraj shpif, e hapur per kontroll"

Vlore- Pershkallezohet me tej konflikti mes drejtuesve te Universitetit te Vlores "Ismail Qemali". Zevendesrektorja Pranvera Jahollari i ka cilesuar shpifje akuzat e varteses se saj, dekanes se Juridikut, Arta Musaraj, te dhena dy dite me pare. Gjate konferences per shtyp diten e djeshme, numri dy i institucionit deklaroi se do te ndjeke rrugen ligjore per kete ceshtje, qe nenkuptonte se ishte e hapur per kontroll dhe do te bente padi civile per shpifje. "Per kallezimin penal ne Prokurorine e Vlores nuk jam njoftuar zyrtarisht por e mesova nepermjet medieve. Nuk kam dijeni se per cfare behet fjale, por them se jane vetem shpifje", tha Jahollari. E pyetur se Musaraj e akuzonte per falsifikim te dokumenteve personale, zevendesrektorja reagoi duke thene se eshte e hapur per kontroll. "Une jam e hapur dhe mbaj pergjegjesi morale, institucionale dhe ligjore per kete deklarate publike qe jam duke bere. Ne dosjen time nuk ka asnje dokument te falsifikuar dhe une jam e gatshme te perballem me cdo lloj institucioni, duke vene ne dispozicion dosjen time, e cila ka te gjitha dokumentet origjinale, te plota dhe te ligjshme", shpjegoi ajo. Ndersa per fyerjen publike Jahollari deklaroi se do te ndjek rrugen ligjore.

O.Hila