Konsensusi, ne zgjedhjet e 2009 me karta e pasaporta

TIRANE - Ne zgjedhjet parlamentare 2009 do te votohet me karta identitetet dhe pasaporta. Detyrim ky qe do te sanksionohet ne kodin e ri zgjedhor. Partite politike vendosen dje me konsensus qe te percaktojne ne ligjin e ri te zgjedhjeve qe te mos lejohet me votim me certifikata apo mjet tjeter identifikimi pervec kartave te identitetit dhe pasaportave. Duke i dhene zgjidhje keshtu nje here e mire konfliktit me te madh te procesit te votimit, qe nder vite ka sjelle kontestimin e rezultatit te zgjedhjeve. Po keshtu komisioni vendosi qe te krijoje lehtesira ne zgjedhje per te verbrit, duke mundesuar votimin e tyre. Nga ana tjeter, bashkekryetari demokrat i komisionit, Ilir Rusmali premtoi pas mbledhjes se zhvilluar me dyer te mbyllura se Kodi i ri Zgjedhor do te jete gati ne fund te muajit shtator. Sipas Rusmalit, politika kete here do ta mbaje premtimin per te hartuar ligjin brenda afatit te percaktuar, pavaresisht se ende nuk mund te garantohet se si do te shkojne bisedimet per nenet e tjera te ligjit. "Ritmet e punes se Komisionit jane te tilla qe e lejojne dhenien e nje afati. Nuk mund te parashikoj negociatat politike, nuk mund te them se kush eshte vullneti politik i paleve dhe pse te gjitha thone se jemi per miratimin brenda muajit shtator", sqaroi Rusmali. Burime brenda komisionit pohuan se palet duket se jane dakord per koalicionet e perbera por ende nuk eshte marre nje vendim mbi kete ceshtje. Nderkohe qe pritet akordi dhe per komisionet zgjedhore dhe percaktimi i formules se nxjerrjes se mandatit te deputeteve, qe ndryshon te gjithe skemen, pas aplikimit te sistemit zgjedhor proporcional rajonal ne vend.