Mustafa: Të respektohet marrëveshja me KFOR-in

Kryetari i Komunës së Prishtinës, njëherësh edhe kreu i LDK-së, Isa Mustafa, ka komentuar situatën në veri të Kosovës, ku përkahu vendimin e qeverisë, duke theksuar se duhet respektuar marrëveshja me KFOR-in.
“Çdo marrëveshje, e cila çon në drejtim të shtrirjes së sovranitetit në gjithë territorin e Republikës së Kosovës, duhet të respektohet nga të gjithë”, ka thënë kryetari i Lidhjes Demokratike të Kosovës. Teksa po inauguronte dhe po inspektonte disa rrugë në ndërtim e sipër në kryeqytet, ai ka thënë se Qeveria e Kosovës në këtë periudhë dhe me ngjarjet në veri të vendit pas ndërhyrjes së Policisë së Kosovës, në pikat 1 dhe 31, është përballur me një nga punët më të vështira deri më tani.
Ai ka thënë se për arritjen e marrëveshjeve të Qeverisë me KFOR-in, ishte informuar pas arritjes së tyre, nga vet kryeministri Thaçi, ndërsa theksoi se faktori ndërkombëtar duhet të luajë një rrol të rëndësishëm për këtë çështje.