Mustafaj: S'duhen ngushtuar kompetencat e Presidentit

Deputeti i Partise Demokratike, Besnik Mustafaji, deklaroi diten e djeshme se nuk ishte e udhes qe kompetencat e Presidentit te pakesoheshin. Keshtu, ne nje prononcim per mediat, deputeti demokrat u shpreh kunder amendimit te ardhur nga deputetet te PD-se ne lidhje me modifikimin e te drejtes se dekretit te Presidentit. Nga ana tjeter, ish-ministri i Jashtem theksoi se ai ishte i qendrimit se Presidenti i Republikes te zgjidhej nga populli nepermjet referendumit. Sipas deputetit demokrat, nuk eshte menyra me e mire per zgjedhjen e Presidentit, ajo e zgjedhjes se tij me gjysmen e votave te deputeteve ne raundin e peste nese raundet e tjera kishin deshtuar. Keto kundershtime te tij ne lidhje me propozimet per amendimin e Kushtetutes ardhur nga deputet te PD-se pritet t'i shfaqe sot ne mbledhjen urgjente te Grupit parlamentar te kesaj partie. Por kunder ketyre amendimeve jane shprehur edhe deputete te tjere te PD-se, te cilet pritet qe te diskutojne per to ne mbledhjen e sotme. Kreu i PD-se, Berisha pritet t'i mbledh deputetet e grupit te tij parlamentar ne lidhje me kete ceshtje perpara se keto mendime te shkojne per diskutim ne Komisionin parlamentar te Ligjeve. Drafti i ndryshimeve ne Kushtetute i paraqitur per diskutim nga deputetja e PD-se, Arenca Trashani, parashikon qe ne Kushtetute te ndryshojne 8 nene, te cilat lidhen me institucione te rendesishme te vendit sic eshte Presidenca dhe Prokuroria e Pergjithshme. Keto ndryshime kerkojne 93 vota ne Kuvend per miratim, keshtu qe PD duhet te kete konsensusin edhe te forcave te tjera parlamentare per keto ndryshime.

F.Mejdini