NATO, Rasmussen: Do reduktoj trupat në Kosovë

Në ditën e parë të postit të ri, Sekretari i përgjithshëm i NATO-s, Anders Fog Rasmussen, ka dhënë një konferencë për shtyp ku ka deklaruar synimet e tij, një prej të cilave ishte dhe reduktimi i misionit paqeruajtës ndërkombëtar në Kosovë, KFOR, që udhëhiqet nga NATO-ja."Për Kosovën, qëllimi im është i qartë: deri në fund të mandatit tim, dëshiroj ta shoh KFOR-in e reduktuar në një forcë të vogël të reagimit, ose dalje të gjithë së bashku", tha sot Rasmussen.
Gjatë konferencës, Rasmussen u shpreh edhe për Afganistanin, ku sipas tij synim afatgjatë duhet të jetë lëvizja drejt transferit të përgjegjësive për siguri tek afganët. "NATO-ja duhet të zhvilloj partneritet të vërtetë strategjik me Rusinë" u shpreh Rasmussen për Rusinë.